Labels

Tuesday, 18 February 2014

அப்பாலுக்கு அப்பால்


அப்பாலுக்கு அப்பால் அதற்குமப்பால்
அமைதியாய் ஏதோவொன்று இயங்குகிறது
பூரணப் பெருவெளியில் விண்ணிற்கும் அப்பால்
பஞ்சபூதங்களுக்கும் அப்பால்,பெரு
உருண்டை பூமியில் விதைப்பால்
புல்லாகி பூண்டாகி மரமாகி மானிடராய்
ஆண்பால் பெண்பால் பூப்பால்
வாலிபத்தின் துடிதுடிப்பால் வீர்ய
புலனின்பத்திற்கப்பால் காதல் 
உணர்ச்சிக்கப்பால் புணர்ச்சிக்கப்பால்
பனித்துளி விந்திற்கப்பால் சேய் பிறப்பிற்க்கப்பால்
தாய்ப்பாலுக்கப்பால் வளர்ப்புக்கப்பால்
அன்பிற்கப்பால் ஆசைகளுக்கப்பால்
உறவுகளின் நெருக்கடிகளுக்கப்பால்
துயரதுன்பங்களுக்கப்பால் சேர்த்த
சொத்துக்கப்பால் சுகபோகத்திற்கப்பால்
சகித்துத் துய்த்து வாழ்ந்த வயதின்
அனுபவத்திற்கப்பால் உண்மைக்கப்பால்
எனக்கும் அப்பால் என் மகனுக்கப்பால்
வாரிசுகளின் வாரிசுகளுக்கப்பால் விருட்சமாய்
மண்ணில் தொடரும் மானுடரின் இன்பப்பால்
அனைத்தும் இப்பாலுக்குள் அடங்கும் பால்
அதுவே சுவைக்கத் தெவிட்டாத பால்
அறத்துப்பால் பொருட்பால் காமத்துப்பால்
முப்பாலுக்கும் அப்பால் வேறுபால் தானுண்டோ?.

No comments:

Post a Comment