Saturday, 17 August 2013

சிரிப்பின் முகவரி (ஹைக்கூ) 2

தாலாட்டுக் கேட்டுப்
பொற் கனவில் லயித்துத்
தொட்டில் உறங்கும் குழந்தை

மரத்தில் கத்தும் பறவைகளை
விரட்டி அடிப்பதாய்
பாவனை செய்யும் குழந்தை

வீடு திரும்பினேன் பின்னிரவு
என்னைத் தழுவிக் கொண்டன
குழந்தைகள்

பூங்கா புல்வெளியில்
பந்து விளையாடிப்
பழகும் குழந்தைகள்


வராந்தாவில் அம்மாவுடன்
நடை வண்டிப் பிடித்து

நடை பழகும் குழந்தை

Saturday, 10 August 2013

சிரிப்பின் முகவரி (ஹைக்கூ) 1

பிரபஞ்ச இருப்பின்
இரகசிய உயிர்ப்பு
குழந்தைப் பிறப்பு

 
தாயின் கனவு
சுமப்பதில் சுகம்
அழகான குழந்தை

 
சிரிப்பு, அழுகை
சைகைகள்
குழந்தையின் மொழி

 
எறும்பு கடித்ததோ?
தூக்கம் கலைந்து
அமர்க்களம் செய்யும் குழந்தை

 
மீசையைத் தடவி
மகிழ்ந்து சிரிக்கிறது
தூக்கிக் கொஞ்சிய குழந்தை