Friday, 31 March 2017

செய்திகள் சொல்கின்றன...!! ( துணுக்குகள் )


*
1.
பசுவை கொன்றால் ஆயுள் தண்டனை. ரூபாய்.1 லட்சம் அபராதம் விதிக்கப்படும். குஜராத்தில் புதிய சட்டம்.
                  மனிதன் தோன்றிய காலத்திலிருந்தே பறவைகள் விலங்குகள் என அனைத்தும் சாப்பிட்டு பழகியவன் மனிதன்.  யாரையோ அழிக்க வேண்டும்.என்ற நோக்கில் கொண்டு வரப்படும் இச்சட்டம் அரசில் நோக்கம் கொண்டதாகவே பார்க்க வேண்டியிருக்கிறது.
2.
பழைய குடும்ப அட்டைக்கு பதில் “ ஸ்மார்ட் கார்டு ” வழங்கும் திட்டம் முதல்வர் இன்று தொடங்குகிறார்.
                  உள்தாள் ஒட்டி ஒட்டி உப்பிப் போன குடும்ப அட்டைக்கு இப்பவாச்சும் விடுதலை கிடைக்கிறதே? இதுவும் முழுமையா செயலுக்கு வருமா?
3.
பெண்ணின் நுரையிரலில் சிக்கியிருந்த பேனா மூடி அகற்றம். பெங்களுரு அரசு மருத்துவர்கள் சாதனை.
                  மருத்துவ துறையின் முன்னேற்றம் பாராட்டத்தக்கது. நல்வாழ்த்துக்கள்.
4.
சிறுசேமிப்பு திட்டங்களின் வட்டி விகிதம் 0.1% குறைப்பு. மத்திய அரசு அறிவிப்பு.
                  பொதுமக்களின் வயிற்றில் அடிப்பதே மத்திய அரசின் நிரந்தரக“ கொள்கையாக அமைந்திருக்கிறது.
ஆதாரம் ; தி இந்து – நாளிதழ் – 01-04-2017.
தகவல் ; ந.க.துறைவன்.

*  

Tuesday, 28 March 2017

புத்தர்.

வாசித்ததில் வசீகரித்தது.
*


எழுத்தாளர். மைக்கேல் கேரிதர்ஸ் எழுதிய “ புத்தர் ” மிகச் சுருக்கமான அறிமுகம் - நூல் வாசிக்கும் வாய்ப்பு கிடைத்தது. இந்நூல் 2005 – ல் வெளி வந்துள்ளது. இந்நூலினைத் தமிழில் மொழிபெயர்த்திருப்பவர் மறைந்த எழுத்தாளர் சி.மணி ஆவார். மிகச் சிறந்த முறையில் ஆங்கிலத்தில் இதனை மொழிபெயர்த்திருக்கிறார் என்றே சொல்லலாம். அவ்வளவு சுருக்கமான எளிய வார்த்தை அமைப்பு கொண்டது. தோய்வுராது வாசிப்புக்கேற்ற மொழிநடையில் அமைந்துள்ளது. புத்தர் பற்றி அறிமுகம் செய்து கொள்ள விரும்பும் வாசகர்கள் மிக அவசியம் படிக்க வேண்டிய நூலாக இருக்கிறது. இவர் தான் மகாகவி பாரதிக்கு பிறகு,  ஜப்பானிய ஹைக்கூ கவிதைகளை ஆங்கில வழியாக, தமிழுக்கு மொழிபெயர்த்துக் கொடுத்துப்  பெருமளவில் அறிமுகப்படுத்தியவர் ஆவார்.

ந.க.துறைவன்.  

சிறகு...!! ( ஹைக்கூ )


Haiku – Tamil / English.
*
சிறகை உதிர்த்து போகிறது
அடையாளத்திற்காக
இணைத் தேடும் பறவை.
*
Going to shake its wings
Identity
Co-looking bird.

N.G.Thuraivan.

Monday, 27 March 2017

எலி...!! ( துணுக்கு )

அழகா வரைஞ்சிருக்காய்யா
யாரோ ஒரு ஓவியன். பாராட்டுக்கள்.
இந்த படம் எத்தனை அர்த்தம்

சொல்லுது பாருங்க.

செய்திகள் சொல்கின்றன...!! ( துணுக்குகள் )



*
1.
சமூகநல திட்டங்களைப் பெறும் பயனாளிகளிடம் ஆதார் எண் கட்டாயப்படுத்தி கேட்கக் கூடாது. மத்திய அரசுக்கு உச்ச நீதிமன்றம் திட்டவட்டம்.
                  மத்திய அரசு ஆதார் வேணும்கிறது. உச்ச நீதிமன்றம் கேட்கக் கூடாது என்கிறது. இவர்களுக்குள் அதிகார விளையாட்டுப் போட்டி கம்பீரமா நடக்கிறது.
2.
ஆர்.கே. நகர் தேர்தலுக்காக தள்ளிப் போட முடியாது. டிடிவி. தினகரன் மீதான வழக்குகள் தினமும் விசாரிக்கப்படும். எழும்பூர் நீதிமன்றம் உத்தரவு.
                  தொகுதியிலும் இருப்பார். நீதிமன்றத்திலும் இருப்பார். குற்றவாளியை விசாரணை செய்துகிட்டே தேர்தல்லே நிற்பதற்கு சட்டத்தில் இடம் இருக்கா? நீதிமன்றம் நினைத்தால் தடை செய்ய முடியாதா? இதொரு அர்த்தநாரி சட்டம்.
3.
31 இடங்களில் ஹைட்ரோ கார்பன் எடுக்க ஒப்பந்தம். நெடுவாசலில் மக்களின் ஒப்புதலுடன் திட்டம். மத்திய அமைச்சர் தர்மேந்திர பிரதான் உறுதி.
                  எப்படியோ? வோட்டுப் போட்ட மக்களுக்கு துரோகம் செய்றதுன்னு முடிவாயிடிச்சி. ஹைட்ரோ கார்பன் எடுக்கும் பணி துவங்கப் போகுது, பிள்ளையும் கிள்ளிவிட்றாங்க. தொட்டிலையும் ஆட்டிவிட்றாங்க.
4.
சிவசேனா எம்.பி. ரவீந்தர கெய்க்வாட்டு ஏர் இந்தியாவின் 60 வயது மேலாளரை 25 முறை தனது காலணியால் தாக்கினார்.
                  எம்.பி. செய்தா ஒன்னு. பொதுமக்கள் செய்தா ஒன்னா? செருப்பு வீசியெறிபவனைக் கடுமையா தண்டிக்கும் சட்டம் எம்.பி. 25 முறை அடிக்கிறாரே,  இவருக்கென்ன தண்டனை? விருது கொடுப்பாங்களா?
ஆதாரம் ; தி இந்து – நாளிதழ் – 28-03-2017.
தகவல் ; ந.க.துறைவன்.

*

Saturday, 25 March 2017

கதைக்கிறாங்க...!! ( துணுக்கு )




நல்ல நாவல் படிச்சி ரொம்ப நாளாகுது. சொந்தமா வாங்கலாம்னு பார்த்தா ரூ.250/- ரூ.300/- 450/- னு விலை. என்னோட பொழப்புக்கு எங்கிட்டு வாங்கிபடிக்க. நா இருக்கிற ஊர்லே நாவல் படிக்கிற ஆசாமிகளே என் கண்ணுக்கு படலே. கொஞ்சம் இலக்கிய பித்துன்னு அலையிற ஆசாமிகிட்ட, என்ன நாவல் படிச்சீங்கன்னு கேட்டா. அதை படிச்சே இதை படிச்சேன்னு அளக்கிறாங்க. அம்புட்டுதே…!!. சரி, அந்த நாவலை கொடு நா படிச்சிட்டு தாரேன்னு கேட்டா?. அட, நேத்து தாம்பா, ஒரு நண்பர் வாங்கிட்டுப் போனார்ன்னு கதைக்கிறாங்க. கதை இப்படித்தா நகர்ந்துகி்ட்டிருக்கு…!!

ந.க.துறைவன்.

Friday, 24 March 2017

செய்திகள் ( துணுக்குகள் )




செய்திகள்
*
1.
ஆதார் எண் இல்லாத குழந்தைகளுக்கும் மதிய உணவு தொடரும்.        
மத்திய அமைச்சர் பிரகாஷ் ஜவடேகர் தகவல்.
                  என்னய்யா குழந்தைகளை இப்படி குழப்பிறீங்க ஆதார் வேணும்கிறீங்க. வேணாங்கிறீங்க. முடிவுதான் என்ன?
சாலையில் லஞ்சம் பெற்ற காட்சி பேஸ்புக்கில் பரவியதால் ஹைதராபாத் போக்குவரத்து காவலர் சஸ்பெண்ட்.
                  நம்ம ஊரிலே இதுபோல நடக்குமா?. மூச்…!
3.
65 பொதத்துறை நிறுவனங்களில் பெண் இயக்குநர்கள் இலலை. மத்திய அரசு தகவல்.
                  இன்னும் 33% சதவீதம் ஓதுக்கீடு கேட்டு பெண்கள் போராட்டம் ஓயலே. தொடரத்தானே செய்கிறது.
ஆதாரம் தி இந்து – நாளிதழ் – 25-03-2017.

தகவல;  ந.க.துறைவன்.

மாம்பழம்...!! ( ஹைக்கூ )

Haiku – Tamil / English.
*
மாம்பழம் கையில் வைத்து
பால் குடிக்கிறது
அழுகின்ற குழந்தை.
*
Put the mango in hand
Milk drinks
Crying baby.

N.G.Thuraivan.

Thursday, 23 March 2017

நூல் விமர்சனம்.

மகாகவி – பிப்ரவரி – 2017 ஹைக்கூ நூற்றாண்டு சிறப்பிதழில்
“ மெல்லப் பதுங்கும் சாம்பல் நிறப் பூனை “ ( ஹைக்கூத் தொகுப்பு – தமிழ் – ஆங்கிலம் ) நூலுக்கு ந.க. துறைவன் எழுதிய -  “ ஆறு ஓவியங்களும் ஆறு ஹைக்கூ கவிதைகளும் “ என்ற தலைப்பிலான  விமர்சனக் கட்டுரை வெளிவந்துள்ளது. மகாகவி – க்கும், நண்பர்.வதிலைக்கும் மிக்க நன்றி.
ந.க.துறைவன்.
*

ஆறு ஓவியங்களும் ஆறு ஹைக்கூ கவிதைளும் …!!
                                           நூல் விமர்சனம். :
மனிதர்கள் மனிதர்களை நேசிப்பதை வி்ட, தனக்கு பிரியமான பறவைகள், விலங்குகள் ஆகியவற்றிடம் அதிகமான பிரியம் காட்டி வளர்கின்றார்கள். அவற்றில் நாய், பூனை, புறா, கிளிகள் ஆகியன முக்கியப் பங்கு வகிக்கின்றன. இவைகள் மனிதர்களின் நேசிப்பிற்குரியனவாகத் திகழ்வதற்கான காரணங்கள் அனேகம் உள்ளன. இவைகள் பெரும்பாலும் மனிதர்களின் செயல்பாடுகளோடு மிகவும் ஒத்துப் போகின்றத் தன்மை வாய்ந்தனவாக இருக்கின்றன. எதிர்ப்புத் தன்மை என்பது இவைகளில் குறைந்துக் காணப்படுவதும், இதற்கான முக்கியக் காரணமாகத் தென்படுகின்றன. அதனோடு தாம் எப்படியெல்லாம் பிரியம் காட்டி செல்லம் கொஞ்ச முடியுமோ? அவ்வாறெல்லாம் பழகி உறவுக் கொண்டாடி மகிழ்கிறார்கள். அவைகளும் தன்னுடைய ஆளுமைப் பண்புகளை வெளிப்படு்த்தி அன்பினைப் பெற்று நேசிப்பிற்குரிய பிரியமானவைகளாக நடந்துக் கொள்கின்றன.
அவற்றுள் பூனைகள்  பெரும்பான்மையான வீடுகளில் செல்லப்பிராணி அனேகம் பேர் வளர்க்கின்றார்கள். பூனையை ஏன் வளர்க்கிறீர்கள் என்று கேட்டால் அதற்கான பதில் எனிமையாகவே இருக்கும். “ ஏதோவொன்றிடம் அன்புக் காட்ட வேண்டும் என்பதற்காகவே, ஏதோவொரு விருப்பமான பிராணியை வளர்க்கின்றோம் ” என்றே பதில் கூறுவார்கள். பூனைகள் வளர்ப்பதற்கு மிக எளிமையான பிராணி. அதுமட்டுமல்ல, அதன் சாந்தமான குணம், மெல்லியகுரல் வளம், அதிர்ந்து நடக்காதத் தன்மை, பாதுகாப்பு உணர்வு, எதிரிகளை விரட்டும் வேகம், பயம் கொள்ளாமல் அருகில் வந்து அமர்ந்து காட்டும் பாசம், இரைதேடும் லாவகம், என பல்வேறு குண இயல்புகளைக் கொண்டது எனலாம்   

பூனைகள் குறித்து,  சிறுவர் பாடல்கள், சிறுவர்கதைகள், சித்திரக்கதைகள், நாட்டுப்பாடல்கள், பழமொழிகள், என அனேகப் படைப்புகளில் இடம் பெற்று வருகின்றன. ஹைக்கூ கவிஞர்கள் பலரும் ஹைக்கூ படைத்தளித்துள்ளனர். சமீபத்தில் வெளிந்துள்ள வதிலைபிரபாவின் ” மெல்ல பதுங்கும் சாம்பல் நிறப்பூனை ” தொகுப்பில் இடம்பெற்றுள்ள ஆறு ஓவியங்களும் ஆறு ஹைக்கூ கவிதைகளும் குறித்து ஆய்வதே இக்கட்டுரையின் நோக்கமாகும்.
1.
விடியல்பொழுதின் வெண்மையான பனிப்டலம் மிக அழகானது. அந்நேரப் பனிக்குளிர் மனதுக்கும் உடலுக்கும் இதமானது என்பார்கள். அந்தேரம் தான் பறவைகளும் விலங்குகளும் உற்சாகமாக எழுந்து குரல் எழுப்பி மற்ற உயிரினங்களை எழுப்பி விடுகின்றன. எங்கேனும் ஒரு வீட்டிலிருந்துக் கொண்டோ அல்லது வெளியிலிருந்துக் கொண்டோ பூனைகள் பலவும் குரல் எழுப்புகின்றன. அதனை    
பூனையின் அலறலுக்கப்பால்
கம்பளிப் போர்வையாய்ப் படருமிருள்
மெல்ல அவிழும் விடியல்.
Beyond shrick of a tom cat
Dark as a woolen spread –
Brightening dawn.  – பக்கம் – 30 –  அந்தப் பூனையின் அலறல் ஒலிக்கேட்டு, கம்பளிப் போர்வையாய் படர்ந்திருக்கும் இருள் விலகி மெல்ல மெல்ல வெளிச்சம் பரவி அவிழ்கின்றன விடியல் என்று மிக அழகான ஹைக்கூ கவிதையாக்கி படைத்துள்ளார் வதிலைபிரபா.
2.
பருவகாலம் தொடங்கியதும்  மழையின் வருகையை எதிர்ப்பார்த்து காத்திருப்பது மக்களின் இயல்பான குணம். அம்மழைதான்  மக்களின் வாழ்வாதாரத்திற்கான உயிர்த்துளிகள். மழையை நம்பித்தான் விவசாயம் மற்றும் ஏனைய தொழில்கள் காத்திருக்கின்றன. குடிநீர்ப் பிரச்சினைத் தீர்ப்பதற்கும் மழையின் எதிர்ப்பார்ப்பு மிக அத்தியாவசமாக இருக்கின்றது. புரட்டாசி, ஐப்பசி, கார்த்திகை ஆகிய மாதங்கள் மழை மாதங்களாகும். வடமேற்கு பருவமழை தொடங்கியது. வானம் மேகமூட்டமாகவே தெரிகின்றன. தீடீரென வெளியில்,  
பெருமழை பெய்கிறது
மேஜையில் சூடான தேனீரும் ரொட்டியும்….
“ மியாவ்.” பூனை.”
Down sleet –
With tea – cup, hot & bread served
The cat”s “ mew “! – பக்கம் – 30  - மழைகுளிருக்கு அடக்கமாய் வீட்டின் உள்ளே அறைக்குள் வீட்டார்களோ அல்லது உறவினர்களுடனோ மேஜையில் சூடான தேனீரும் ரொட்டியும் காத்திருக்கின்றன. உரையாடல் நிகழ்கின்றதா என்றும் உணர முடியாத நிலை. ஆனாலும், அம்மேஜையின் கீழே அமர்ந்திருக்கும் பூனையின்  “ மியாவ் ”…என்ற மெல்லிய குரல் அதன் பசியினை உணர்த்துகின்றது இந்த ஹைக்கூ. ஜப்பானில் தேனீர் கலாச்சாரம் என்பது இன்றும் தொடர்ந்து செயல்பட்டு வரும் பண்பாடாகக் கருதப்படுகின்றது ஜென்னில் தேனீர் ஒரு தியான நிலையாகவே போற்றப்பட்டு வருகிறது. ஜென் ஹைக்கூக்கு இணையாக இந்த ஹைக்கூ படைக்கபட்டுள்ளது என்றே கூறலாம்.
.3.
பூனையின் உருவவமைப்பு, அதன் கம்பீர்மான மீசை, நடை, மியாவ் என்ற மென்மையான குரல்வளம், உணவு தேடும் செயல்கள், வளர்க்கப்படும் மனிதர்களோடு கொள்ளும் ஆழ்ந்த நட்புணர்வு ஆகிய செயல்பாடுகள் அனைத்தும் மனித இனத்திற்கான குறியீடுகளாகத் திகழ்கின்றன. இப்பூனைகளின் மீதான உள்தாக்கத்தைத் தன் ஒவியப் படைப்புகளில் பல உருவமைப்புகளில் வரைந்துக் காட்டியுள்ளார் ஒவியர் பாஸ்கரன். அந்த ஒவியங்கள் மனிதஇனத்திற்கு ஏதோவொன்றைச் சுட்டி உணர்த்துகின்றன. இயற்கைக்கும் விலங்குகளுக்குமான உறவு என்பதும் நெருக்கமானவையாகவே தெரிகின்றன. சூரியனின் வெப்பக்கதிர்கள் உயிர்வாழ்வினங்களுக்கான ஆதாரசக்தியாகும். அவன் எப்படி மணித்துளிகள் தவறாமல் நகர்ந்து கடக்கின்றான் என்பதை,

பூனையாய் பதுங்கி
அந்திக்கப்பால் நகர்கிறது
கறுப்பு இருட்டு.
Lurking as a cat –
Beyond dusk moves
Stark darkness!. –  பக்கம் – 53. - சூரியன் தன் ஒளிக்கதிர்களைப் பரப்பி மெல்ல மெல்ல நகர்ந்து மாலைவேளையில் மேற்குவானில் தன் செந்நிறக் கதிர்களை வீசி கருநிறமாகிய இருட்டினைப் போர்த்திக் கொண்டு பூனையாய்ப் பதுங்கி பதுங்கிச் செல்வதுப் போன்று அந்திக்கப்பால் கவிழ்கின்றான். என்று மிக அற்புதமான மாலைக் காட்சியினைப் படம் பிடித்துக் காட்டி ரசிக்க வைக்கின்றார்.. அந்திவேளை என்பது ஹைக்கூ கவிதைளில் முக்கிய படிமங்களில் ஒன்றாகும்.
4.
வீடுகளில் வளரும் பூனைகள் சற்று சாதுவாகக் காணப்பட்டாலும், வெளியில் தன்னிச்சையாக வளரும் பூனைகளின் அட்டகாசம் சற்று கூடுதலாகவும் சுதந்திரமானவையாகவும் காணப்படுகின்றன. அவைகள் இரைதேடி வீடுகளில் பால் தயிர் உணவுகளைத் திருடித் தின்பவையாகப் பெரும்பாலும் இருக்கின்றன. சிலநேரங்களில் வீடுகளில் எலியின் தொல்லைகள் மிகுந்துக் காணப்படும். அப்பொழுது பூனைகள் அவற்றைப் பதுங்கிப் பதுங்கிப் பாய்ந்து லாவகமாகப் பிடிக்கும். சில வீடுகளில் எலிப்பபொறி வைத்தும் எலிகளைப் பிடிப்பார்கள். பூனையின் வருகையை உணர்ந்த எலிகள் மெல்ல பதுங்கத் துவங்கும். அச்செயலினைப்
பதுங்கும் எலி
மதில் மேல் பூனை
எலிப்பொறி.
Luurking rat…
Cat on the mid wall…
The rat – trap!. – பக்கம்.- 82. – பூனையின் மறுஉருவச் சாயலே புலிகள் என்று கூறுவார்கள். பூனை, புலி, எலி இவை மூன்றும் பதுங்கிப் பாய்ந்திடும் குணம் படைத்தவைகளாகும். மேலும், பூனைகள் குறித்தப் பழமொழிகள் பலவுண்டு. மனிதன் ஒரு செயலினை அப்படியும் இல்லாமல், இப்படியும் இல்லாமல்  சரியான முடிவினை எடுக்காதப் பட்சத்தில் அவரின் குழப்பநிலையினை மதில் மேல் பூனைப் போன்று தடுமாறுகிறாயே? என்று சுட்டிக்காட்டுவார்கள். இப்படி பூனையின் பதுங்குதல், தடுமாற்றம், பொறிவலையில் சிக்கல்  என மூன்று மனநிலைக் காரணிகளை முன்வைத்தும், சமூகத்தில் மனிதனின் செயல்பாட்டோடும் இந்த ஹைக்கூவை ஒப்புநோக்கிப் பார்க்கலாம்.
5.
மனிதர்களிடையே புழுங்கும் ஏராளமான மூடப்பழக்க வழக்கங்களில் சகுனம் பார்த்தல் என்பதும் ஒன்றாகும். எதற்குத் தான் சகுனம் பார்ப்பது என்கின்ற வரைமுறையில்லாமல் வரம்புமீறி செயல்பாட்டில் இருக்கின்றது. பசு, சுமங்கலி, தயிர்க்காரி ஆகியோர் எதிரில் வந்தால் நல்ல சகுனம். விதவை, கைராசியில்லாதவள், வாழாவெட்டிகள் ஆகியோர் எதிரே வந்தால் அபசகுனம். அதே போன்று பூனைக் குறுக்கே வந்தால் அபசகுனம் என்பார்கள். அவன் தொழில் நிமித்தமாக வெளியே புறப்படுவதற்கு சைக்கிளை எடுத்து தெருமுனையினைக் கடக்கும்போது, பூனை குறுக்கே திடீரென பாய்ந்து வருகின்றது. அப்பொழுது, அவன் என்னடாயிது அபசகுனம் என நினைக்கிறான்? சற்றுநேரம் நின்று தண்ணீர் குடித்துவிட்டு மீண்டும் புறப்பட யத்தனிக்கிறான் என்கின்ற காட்சினை,
பழைய சைக்கிளில்
தெருமுனை கடந்தவனின் குறுக்கே
வருமவன் செல்லப்பூனை.
Before his old cycle,
Passed the street corner,
Crossing  of his pet – cat!. – பக்கம் – 92. – மக்கள் நல்ல செயல்கள், கெட்ட செயல்கள் அனைத்திற்கும் நேரம் காலம் சகுனம் பார்த்துத் தான் செய்து வருகின்றார்கள். இதைப் பார்ப்பதில் பணக்காரன் ஏழை என்று எந்த பாகுபாடுமில்லை. அனைவருமே இதில் சிக்குண்டு தொடர்ச்சியாகச் செயல்பட்டு வருகிறார்கள். இம்மூடச்செயல்களை எதிர்த்தும பல்வேறு இயக்கங்கள் செயல்பட்டு வந்தாலும், இது தொடரவே செய்கின்றன. பல்லாயிரம் ஆண்டுகாலமாகச் சடங்கு சம்பிரதாயங்கள், இம்மக்கள் மனங்களிலே ஊறிப்போய் இருக்கின்றன. இதிலிருந்து இன்னும் விடுதலைப் பெற இன்னும் எத்தனை நூற்றாண்டுகள் ஆகுமோ? தெரியவில்லை
இங்கு ‘ பழைய சைக்கிள் ‘ என்பது பழைமையான பண்பாட்டையும்,     கலாச்சாரத்தையும் பழக்கவழக்கங்களையும் குறிப்பனவாகும். ’ குறுக்கே ‘ என்ற வார்த்தை மூடத்தனமானச் சகுனங்களைக் குறிப்பனவாகவும் எடுத்துக் கொள்ளலாம். மனிதர்கள் சகுனம் பார்த்தல் என்கின்ற செயல்களைச் சைக்கிளின்  இரு சக்கரங்கள் போன்று சுழன்றுக் கொண்டே இருக்கின்றன என்று மிக யதார்த்தமாக, இந்த ஹைக்கூ வரிகளில் தெளிவாகச் சுட்டிக் காட்டுகின்றார் வதிலைபிரபா. .
6.
இரவுக்கும் பூனைகளுக்கும் ஏதோவொரு வகையில் நெருங்கிய உறவு இருக்க வேண்டும்.. பூனைகளுக்கு பகலி்ல் கண் தெரியாது இரவில் தான் கண் தெரியும் என்று கூறுகிறார்கள். அது எவ்வளவு தூரம் உண்மையென்பது தெரியவில்லை. ஆனால், அவைகள் பகலை விட இரவில் தான் அதிகமாக உலாவி திரிகின்றன. இரைதேடுகின்றன. உறவைத் தேடியலைகின்றன. அப்பொழுது அந்த இரவின் ஒளியில் மெல்லப் பதுங்கி பதுங்கி பாய்ந்து தன் தேவைகளைப் பூர்த்தி செய்துக் கொள்கின்றன. பூனைகளில் அவ்விரவுக் காட்சியினை,                                                        
ஒளிரும் இரவு
மெல்லப் பதுங்கும்
சாம்பல் நிறப்பூனை.
Silvery moon –
At vicinity slinks
An ash – hued cat!.  – பக்கம் – 118. – இ்ந்த ஹைக்கூ கவிதையில், ஒளிரும் இரவில் மெல்லப் பதுங்கும் சாம்பல் நிறப்பூனை என்கின்றார். ஏன் மற்ற பூனைகள் இரவு நேரங்களில்  பதுங்கி தன் வேட்கையினைப் பூர்த்திச் செய்துக் கொள்வதில்லையா? இருக்கலாம். ஆயினும், இச்சாம்பல் நிறப்பூனை ஏதோவொன்றின் குறியீட்டு படிமமாகவே திகழ்கின்றது அது என்ன? மகாகவி பாரதியார் தன் பாப்பாப் பாட்டில்,
“ வெள்ளை நிறத்தொரு பூனை
 வீட்டில் வளர்வது கண்டீர்;
 பிள்ளைகள் பெற்றதப் பூனை; - அவை
 பேருக் கொருநிற மாகும்.
 சாம்பல் நிறமொரு குட்டி – கருஞ்
 சாந்து நிறமொரு குட்டி,
 பாம்பு நிறமொரு குட்டி, - வெள்ளைப்
 பாலின் நிறமொரு குட்டி.
 எந்த நிறமிருந்தாலும் – அவை
யாவும் ஓரே தர மன்றோ? ” – மகாகவி பாரதியார் கவிதைகள் – நூல் – பக்கம் – 233.  .  
பல்வேறு நிறங்களிலானப் பூனைகளைக் காட்டி, இச்சமூகத்தில் நிலவும் நிறபேதங்களைச் சுட்டி, ,இவையாவும் ஒரே தரமென்கின்றார். சமூகத்தில் வாழும் மனிதனின் செயல்பாடுகள் அனைத்தும் ஒரே வகையானவைகள் அல்ல. வெவ்வேறானவைகள். பாரதியார் சமூகநிலைப்பாட்டினைக் கூறுக்கின்றார். ஆனால், ஹைக்கூ கவிதைகள் மனிதர்களுடைய மனவுணர்வுகளைப் பிரதிபலிக்கக் கூடியது. நிறங்களுக்கும் மனித உணர்வுகளுக்கும் தொடர்புள்ளன என்று கூறுகின்றது வண்ணமருத்துவ ( color therapy ) முறை.  அவ்வகையில் பார்க்கும்போது, இச்சாம்பல் நிறப்பூனை, கலவி உணர்வின்,. படிமமாக  இருக்கலாமோ என்றும் நினைக்கத் தோன்றுகின்றது?
7
எது கவிதை? என்ற கேள்வி சங்கக் காலத்திலிருந்து இக் காலம் வரை விவாதப் பொருளாகவே பார்க்கப்பட்டு வருகின்றது.. அதற்கான காரணம் விவேகிகளுக்கே வெளிச்சம்.. தமிழில் புதுக்கவிதை தோன்றியபோதும் இதே நிலைதான். அது இன்றுவரையும் தொடர்கின்றது. அதன்பின்னர் ஹைக்கூ கவிதை எழுதத் தொடங்கிய காலம் தொட்டு எது சரியான ஹைக்கூ? என்ற கேள்வி தொடர்ந்துக் கொண்டேயிருக்கின்றது.. எந்தவொரு படைப்பின் உள்மையச் சரடைப் புரிந்தக் கொள்ளாமல் படைக்கப்பட்டால் இக்கேள்வி எழத்தான் செய்கின்றது. இயற்கையின் ரகசியம், அறிவின் நுட்பம், வாழ்வின் சூட்சுமம், புரிதல், தேடல்,  தத்துவம் என்ற வார்த்தைகளின் பின்னணியில், படைப்பின் ஆளுமைப் பண்புகள் தொடர்கின்றது. அப்படியென்றால், இங்கே,
எதுதான் ஹைக்கூ?
சலிப்புடன் அமர்ந்திருக்கிறான்
கோழி கூவுகிறது.
What”s a haiku, then?
Sullen he”s seated – there!
The cock”s creech.  – பக்கம் – 29. – என்கிறார். எந்தவொரு கூட்டமென்றாலும், படைப்பாளிகள் சந்திப்பென்றாலும் இலக்கிய விவாதம் நிச்சியம் உண்டு எனலாம். அப்படிப்பட்ட நிகழ்வொன்றில் தான் ஹைக்கூ விவாதம் தொடங்கியதோ என்னவோ? விடியவிடிய பேசிப்பேசி சலிப்புற்ற பின்னரும் தொடர்கின்ற விவாதம் முற்றுபெறாமல் கோழி கூவுகின்றது. பொழுதும் விடிகின்றது. இங்கொரு ஹைக்கூவும் பிறக்கின்றது. ஹைக்கூ என்பதே இயற்கைச் சார்ந்தவொரு படைப்பாகும். பொழுது விடிவதும் பொழுது சாய்வதும் இயற்கையின் அன்றாடச் செயல்பாடாகும் இஃதொரு உலகியல் சுழற்சி நெறியாகும். அதே போன்றதுதான் எல்லா படைப்பும் என்பதை உணர்த்துகின்றது..
*
“ மெல்லப் பதுங்கும் சாம்பல் நிறப்பூனை ” யின் படைப்பாளியான நண்பர் வதிலைபிரபா, கடந்த இருபதாண்டுகளாக ஹைக்கூ சார்ந்து எழுதி வரும் படைப்பாளி ஆவார்.. அவரின் ஹைக்கூ கவிதைகள்   பெரும்பாலும் தனித்துவ மிக்கவையாகவே இருப்பதில் எந்தவொரு ஐயமுமில்லை. ஹைக்கூவின் கட்டமைப்பு வரம்புக்குள்ளேயே இயங்குவதற்கு மெனக்கெடுபவர் என்பதையும் அறிவேன். அவரே தன் சுயத்தை வெளிப்படுத்துகிறார்.
“ நானும் ஹைக்கூவோடு பயணித்துக் கொண்டுதானிருக்கிறேன். ஒரு புள்ளியை நோக்கிய பயணமாய் இருந்தது. அந்தப் புள்ளி முடிவற்ற புள்ளியாய் இருக்கிறது. பிரபஞ்சம் இணைகிற அல்லது பிரபஞ்சம் தாண்டிய ஒரு இலக்காய் கூட இருக்கலாம்.”  – பக்கம் – 20. -  இந்தக் குரல் தான் ஹைக்கூ படைப்பாளியான வதிலைபிரபாவின் நேர்மையான தொனி. மிகுந்த தரமான அச்சுவடிவமைப்பில் வெளி வந்துள்ள, இத்தொகுப்பு நூல் ஹைக்கூ அரங்கில் பேசப்படும். கவனத்தைப் பெறும். பொழுது விடியும்போது கூட எங்கிருந்தேனுமொரு “ மியாவ் ”என்ற பூனையின் இனிமையானக் குரல் கேட்கலாம்.  
நல்வாழ்த்துக்களுடன்…
ந.க.துறைவன். வேலூர். 632 009.
செல் ; 944 22 34 822.
தேதி ; 15-11-2016.
*









அஞ்சலி...!!

எழுத்தாளர் அசோகமித்திரன்.

மூத்தப் படைப்பாளி திரு. அசோகமித்திரன், தன் சிறுவயது காலத்து நினைவுகளை ஐதராபாத்தைக் களான வைத்து பல கதைகள் படைத்தவர். குடும்ப உறவுகளின் நெருடல்களையும், மத்தியதர வர்க்கத்தின் பாடுகளையும் தன் படைப்புகளின் வாயிலாக மனம் கனக்க சொன்னவர். அவரின் சிறுகதைகள், நாவல்கள் கட்டுரைகள் தமிழ் இலக்கியத்திற்கு கிடைத்த பெரும் வெகுமதிகள். தமிழின் முன்னோடிகளில் ஒருவராகத் திகழ்ந்தவர். இன்று அவர் நம்மிடையே இல்லையென்பது வருத்தத்திற்குரியது என்றாலும், அவரின் படைப்புக்கள் நம்மிடையே வெகு காலம் உயிர்வாழும். உரையாடும். அவரின் எழுத்தாளுமை நினைவில் நின்று போற்றும்.
அசோகமித்திரன் மறைவுக்கு எனது அஞ்சலி.
ந.க.துறைவன்.     

*

வாழை பஜ்ஜி...!! ( சென்ரியு )






TEA  TIME   - டீ டைம்.

Senryu – Tamil / English.

நீள குறியாய் இருந்தது
பேப்பரில் வைத்துச் சாப்பிட்டனர்
வாழை  பஜ்ஜி.
*
Long was keen
Ate this in the paper
Banana fritters.

Wednesday, 22 March 2017

புதுப்பித்தல்...!! ( ஹைபுன் )




இலைகள் பசுமையாக இருக்கும் வரைதான் மரத்திற்கு மதிப்பு. அவைகள் உதிர்ந்து விட்டால் மதிப்பிழந்து விடும். இரட்டை இலை யாருக்கு என்று யார் தீர்மானித்தால் என்ன? தீர்ப்பு யார் சொன்னால் என்ன?. அவைகள் யாரிடம் இருந்தாலும், இனி அவைகள் மண்ணில் உதிர்ந்து மக்கிக் குப்பையாகப் போகப் போகிறது என்பது தானே உண்மை. இது தானே இயற்கையின் நியதி. விதி.

மண்ணில் உதிர்ந்து அழிந்தது
மீண்டும் துளிர்த்தது மரம்
இலை உதிர்காலம்.

Monday, 20 March 2017

Saturday, 18 March 2017

பறவைகள் பலவிதம்...!! ( துணுக்கு )



‘ கருவால் மூக்கன் ‘ பறவை கிளியூர் குளத்துக்கு வலசை வருகை.

நியூசிலாந்தின் வடக்குத் தீவில் உள்ள மிராண்டா என்னும் இடத்தில் இருந்து 2007 மார்ச் 17 – ந்தேதி புறப்பட்ட இந்த சிறிய பறவை இரைக்காகவோ, தண்ணீருக்காகவோ எங்கும் தரையிறங்காமல் 8 நாட்கள் பறந்து 10,200 கிலோமீட்டர் தொலைவில் உள்ள ‘ யாலு ஜியாங் ‘ என்ற இடத்தை அடைந்தது.
பின்னர், ஐந்து வார ஓய்வுக்குப் பின் அங்கிருந்து கிளம்பி 5 நாட்களில் 7,400 கிலோமீட்டர் தூரம் பறந்து இனப்பெருக்கம் செய்யும் இடமான மேற்கு அலாஸ்காவின் யூகான் – குஷாக்வின் முகத்துவார பிரதேசத்தை அடைந்தது. பின்னர, 4 மாதங்களுக்குப் பிறகு மீண்டும் ஆகஸ்ட் 30-ல் புறப்பட்டு வேறு பாதையில் 11,600 கிலோமீட்டர் தூரம் ஓரே மூச்சில் பறந்து எட்டரை நாட்களில் தான் கிளம்பிய இடமான நியூசிலாந்தின் மராண்டா பகுதியை அடைந்தது.
இந்த சிறு பறவை எறத்தாழ 6 மாதங்களில் 29,200 கிலோமீட்டர் பயணம் செய்துள்ளது குறிப்படத்தக்கது.
ஒரே மூச்சில் எங்கும் நிற்காமல் பல்லாயிரக்கணக்கான கிலோமீட்டர் தொலைவுக்கு பறக்கும் கருவால் மூக்கன் – திருச்சி அருகே கிளியயூர் கிராமத்தில் உள்ள குளத்துக்கு வலசை( இடப்பெயர்ச்சி ) வந்துள்ளது.
ஆதாரம் ; தி இந்து – நாளிதழ் – 19-03-2017.
தகவல் ; ந.க.துறைவன்.

*   

Friday, 17 March 2017

உச்சம் எதுவெனில்...!! ( கவிதை )




1.
உச்சக் கட்ட அதிர்வின்
இன்வலி முயங்கல்கள்
உள்வாங்கி திணர்கின்றன
அமைதியாய் இரவு.
2.
வலிகள் தான் இன்பம்
வலிகள் தான் துன்பம்
வலிகள் தான்
நீ, நான், நாம்
வலியில் தான் பிறந்தோம்
வலியில் தான் இறக்கிறோம்.
3.
உன் அனல்
என் வேட்கை
பனிக்குளிர்.
4.
கனன்று சிவந்திருக்கிறது
சாந்தம் இல்லாத அவள்
காந்தப் பார்வை.
5. 
மோகம் முள்
ரணம் உள்
ந.க.துறைவன்.

*

Thursday, 16 March 2017

பட்ஜெட்....!! ( விமர்சனம் )

வளர்ச்சி வேகமில்லாத பட் “ ஜெட் “

2017 – 2018 – ஆம் ஆண்டிற்கான தமிழக பட்ஜெட். அம்மா ஆசிர்வதித்த பட்ஜெட். விலையில்லா இலசப்பொருட்கள் போன்று, புதிய வரிகள், சலுகைகள் இல்லாத பழைமையான பட்ஜெட். பற்றாக்குறை பட்ஜெட். தமிழக வளர்ச்சிக்கு வழி வகுக்காதப் பட்ஜெட். பட்ஜெட்டில் “ ஜெட் “ இருக்கிறது. ஆனால் வேகமோ ஆமையாகத் தானிருக்கிறது.
ந.க.துறைவன்.


Sunday, 12 March 2017

வேறு யார்...!! ( கவிதை )


*
உன்னை எங்கெல்லாம்
தேடுவது இங்கேயா இருக்கிறாய்?
இங்கே இருக்கிறாய் என்று
தெரிந்திருந்தால் நேற்றே வந்து
பார்த்திருப்பேனே?
நேற்று இங்கே இருந்தேன்
இன்று தான் இங்கில்லலை.
இப்பொழுது எங்குதானிருக்கிறாய்?
உன்னிலே தேடிப்பார் அங்கே
இருக்கிறேனா?  என்று
நீ தேடுவது நானல்லவா!
வேறு யார்? அந்த நான்!


Tuesday, 7 March 2017

மகளிர் தினம் கவிதை...!! ( கவிதை ) )




*
யார் சூரையாடியது காலத்தை என்னிடமிருந்து
யார் சூரையாடியது ஒன்றாய் இருந்த காலத்தை என்னிடமிருந்து
யார் சூரையாடியது என்னுடையதாய் இருந்த காலத்தை என்னிடமிருந்து
புன்னகைப் புரிந்து முற்றிலும் முழுமையான காலம் எனது
‘ நான் ‘ தூயதாகவும் உண்மையாகவும் இருந்தது அங்குதானே
கவிதை அதுவாகவே தன்னை எழுதிக் கொண்டதும் அங்குதானே.
( சோஃபியாவின் வாழ்நாளில் கடைசியாக வெளியான அவருடைய கவிதை )
( கவிதைகள் ஆங்கிலம் வழி தமிழாக்கம்  ஆசை )
ஆதாரம் ; தி இந்து – நாளிதழ் – ஞாயிறு 05-03-2017.
தகவல் ; ந.க.துறைவன்.

*

நல்வாழ்த்துக்கள்....!!


Sunday, 5 March 2017

செய்திகள் என்ன சொல்லுது? ( துணுக்குகள் )



1.
ஆதார் விவரங்கள் பாதுகாப்பாக உள்ளன. ஆதார் ஆணையர் உறுதி.
     யாரிடம் பாதுகாப்பாக உள்ளது ஆணையரே!
2.
பங்குச் சந்தையில் முதலீடு செய்யும்.
பி.எப். தொகையை 15 சதவீதமாக உயர்த்த தொழிலாளர் நல அமைச்சகம் திட்டம்
     தொழிலாளிகள் தலையிலே மிளகாய் அரைத்தால், ஒரு முடிகூட அவர்களுக்க மிஞ்சாது.
3.
பணமதிப்பு நீக்கம் செய்வது குறித்து அமைச்சர் ஜேட்லியிடம் ஆலோசனை நடந்ததா? பதில் அளிக்க நிதியமைச்சகம் மறுப்பு.
     அவரை யாரு கேட்டாங்க. பகவான் சொன்னார். பக்தர் செய்தார்.
ஆண்டவனைக் கேள்வி கேட்க முடியுமா?
ஆதாரம் ; தி இந்து – நாளிதழ் – 06-03-2017.
தகவல் ;ந.க.துறைவன்.

*

வலி...!! ( கவிதை )


1.
நான் யார்?
*
நான் யார் தெரிகிறதா?
என்றான்
நான் யார்? என்று
எனக்கே தெரியவில்லை
உன்னை எப்படி?
எனக்கு தெரியும்?
2.
வலி…!!
*
மலரைப் பறித்தவளுக்கு
அதன் வலி தெரியவில்லை
இப்பொழுது தான்
அவளுக்குப் புரிந்தது
மனதைப் பறித்தவன்
கொடுத்த வலி.

Saturday, 4 March 2017

செய்திகள் என்ன சொல்லுது? ( துணுக்குகள் )



1.
அதிமுக அழிந்து விட்டது. திமுக அழிந்து வருகிறது.
பொன்.ராதாகிருஷ்ணன்.
     குளத்திலே தாமரையும் அழிந்து வருகிறது
2.
சேமிப்பு கணக்கில் குறைந்த பட்ச தொகை இல்லையெனில் அபராதம்.
பாரத ஸ்டேட் வங்கி அறிவிப்பு.
     வங்கியில் கணக்கு வைத்திருப்போரை மிகவும் துன்புறுத்தும் செயலாகவே தெரிகிறது.
3.
முடிதிருத்தும் தொழிலாளிக்கு 150 கார்கள். ரூ.3.2 கோடி வெளிநாட்டு சொகுசு காரும் வைத்துள்ளார்.
     இந்தியா மக்களின் பொருளாதார வளர்ச்சியைக் காட்டுகின்றது இவரின் தொழில் வளர்ச்சி முன்னேற்றம்.
ஆதாரம் ; தி இந்து – நாளிதழ் – 05-03-2017.
தொகுப்பு ; ந.கதுறைவன்.

*

Friday, 3 March 2017

பார்த்தல்...!! ( கவிதை )



பார்த்தவள் சிரித்தாள்
அவன் சிரிக்கவில்லை
சிரிக்க பயமா? தெரியவில்லை.
அருகில் நெருங்கி போனான்
இருவருமே
சிரித்து பேசாமல் மௌனமாய்
பேருந்தில் ஏறினார்கள்.
அருகருகே அமர்ந்து
சத்தமில்லாமல் வெட்கமாய்
பேசிக் கொண்டார்கள்
அவர்களைப் பார்த்து சி்ரித்தார்
டிக்கெட் வாங்க வந்த கண்டக்டர்

*