Labels

Thursday, 22 December 2016

பொய்களை நம்பாதீர்கள்...!! ( புதுக்கவிதை )


*

பொய்களை நம்பாதீர்கள்
புதிய நோட்டுகள்
தாராளமாக கிடைக்கிறது.
பொய்களை நம்பாதீர்கள்
யாரும் க்யூவில் நிற்பதில்லை
யாரும் மயங்கி சாகவில்லை.
பொய்களை நம்பாதீர்கள்
ஊடகங்கள் தான்
ஊருக்குள் நடப்பதை
தவறாகப் பொய்யுரைக்கிறது.
பொய்களை நம்பாதீர்கள்
ஊழல் கருப்பு பணம்
நிச்சயமாக வெளியே
வந்து விடும்.
யாரும் தப்பவே முடியாது?

பொருளாதாரம் வெகு
ஸ்திரமாக இருக்கிறது.
பொய்களை நம்பாதீர்கள்
மக்கள் ரொம்ப நல்லவர்கள்
பணபரிமாற்றத் திட்டத்தை
மக்கள் பரிபூரணமாக
ஏற்றுக் கொண்டார்கள்.
அரசுக்கு
ஆதரவாக இருக்கிறார்கள்
பொய்களை நம்பாதீர்கள்
எதிர்க்கட்சி  நண்பர்கள்
என்னை விமர்சிக்கவில்லை
நான் எல்லோருக்குமே
உற்ற நண்பன்.
பொய்களை நம்புாதீர்கள்
மக்கள் சேவைக்காகவே நான்
எனக்காகவே மக்கள்.
இந்தியா மோ - டிஜிட்டில் நோக்கி
முன்னேற்றட்டும்.
( மோடிஜிக்கு சமர்ப்பணம் )

*

1 comment: