Wednesday, 14 October 2015

நவராத்திரி நாயகியே....!!


*
அண்ட சராசரங்கள் ஆள்பவளே உன்
ஆன்ம சொரூபத்தை வணங்குகின்றேன்
அம்மா வென்றே அழைக்கின்றேன்
அன்புடன் உன்னைத் தொழுகின்றேன்
*

பால்பழம் பன்னீர் இளநீரில்
இதமாய் குளிப்பதைக் காண்கிறேன்
சந்தனம் குங்குமம் முழுக் காப்பில்
சந்தோஷமாய் கண்டு களிக்கின்றேன்
*
பச்சை சிவப்பு பட்டாடைகளில்
பளிச்சிடும் அழகினைக் பார்க்கின்றேன்
வண்ணப் பூக்கள் உந்தன் மேனியில்
அலங்கரித்து சிரிப்பதை ரசிக்கின்றேன்
*
தீபஆரத்தி ஒளியில் நாயகியே - உன்
திருமுகம் தரிசனம் செய்கின்றேன்
நவராத்திரி ஒவ்வொரு நாளிலுமே
நவசக்தியே நமஸ்காரம் குவிக்கின்றேன்.
*
துன்பச் சுமையால் தவிக்கின்றேன்
சொல்ல முடியாமல் அழுகின்றேன்
அன்புபொழியும் எனது அன்னையே
அருளும் கருணையும் பொழிவாயே!!.
* 

No comments:

Post a Comment