Wonder / அதிசயம்.
நீலவானப் போர்வைப்
பூமிக்கு அதிசயம்
பாதையற்ற பாதையில் பயணிக்கும் மேகங்கள் அதிசயம்
நட்சத்திரக் கோலங்கள் அதிசயம்
வட்ட நிலா பேசாமல் போவது அதிசயம்
நீளவாக்கில் கம்பிகளாய்
பொழிகின்ற மழைத்துளிகள்
அதிசயம்
பசுமையான மரங்கள்
விசிறி விடுதல் அதிசயம்
வயல்வெளி நாற்றுகள்
நடனமிடுதல் அதிசயம்
மூங்கில் காட்டில் இசைக்கும்
பாடல் ராகம் அதிசயம்
மலைமுகட்டில் தனித்திருக்கும்
ஓற்றை மரத் தனிமை அதிசயம்
என் வீட்டின் சாரளத்தில் குடியிருக்கும் சிட்டுக்குருவி அதிசயம்
காதலுக்கு கண்ணசைத்து பச்சைக்கொடி காட்டிய காதலி அதிசயம்
பிரபஞ்சததில் நிகழ்வன எல்லாமே அதிசயம்
மனித வாழ்க்கை அதிசயம்
மரணம் ஒருநாள் வரும் நிச்சயம்.
ந க துறைவன்.
வாழ்க்கை அதிசயங்கள்
No comments:
Post a Comment