சிறுவர் பாடல்
சரக்கொன்றை
மஞ்சள் வண்ணப் பூக்கள்
மணங் கவரும் பூக்கள்
சரஞ்சரமாய் பூத்துக் குலுங்கும்
சரக்கொன்றை பூக்கள்.
தரையில் உதிர்ந்தப் பூக்கள்
தங்க நிறக் குவியல்
மரத்தைச் சுற்றி மண்ணில்
சூரியனுக்குப் பூப் படையல்.
கோயில் வளாக மூலையில்
தலவிருட்சமாய்த் திகழும்
பக்தர் கூட்டம் வலம் வந்து
கொன்றை மலரைப் புகழும்.
சக்தி சிவன் கழுத்திலே
பூமாலை யாகத் தொங்கும்
அழகு திருமேனி பார்த்து
அனைவர் கைகள் வணங்கும்.
போர் புரிந்த வீரன் கழுத்தில்
அலங்கரிக்கும் வெற்றி மாலை
சங்க இலக்கிய நூல்களில்
புலவர்கள் பாடினர் பாமாலை.
வசந்த காலப் பருவத்தை
வரவேற்கும் பொன் மனம்
சித்திரை மாதம் பூபூத்து
வாழ்வில் வீசும் நறுமணம்.
ந க துறைவன் வேலூர்.
Sunday, 8 May 2022
சரக்கொன்றை ( சிறுவர் பாடல் )
Saturday, 7 May 2022
Friday, 29 April 2022
Tea Time / டீ டைம் ( சென்ரியு )
சென்ரியு கவிதைகள்
Tea Time /டீ டைம்.
ந க துறைவன்.
16.
நாலு டீ வாங்கினாள்
கட்டிக் கொடுத்தார்
இலவசமாக சர்க்கரை.
17.
பரபரப்பான செய்திகள் வாசிக்க
டீக்கடையில் காத்திருக்கிறார்கள்
கிராமத்து மூத்தக் குடிமக்கள்.
18.
அவனுக்கு ரொம்ப பிடித்தது
மாஸ்டரிடம் ஆர்டர் செய்தான்
மலாய் போட்ட டீ.
19.
டீக்கடை வெளிவாசலில்
சுடச்சுட வேகிறது வாணாலில்
வாழைக்காய் பஜ்ஜி.
20.
மன்றத்தில் பொதுக்குழு கூட்டம்
டீ வடை பகிர்ந்தான் பையன்
சிரித்த முகத்துடன்.
ந க துறைவன்.
Tuesday, 26 April 2022
Monday, 25 April 2022
மரணம் ( ஹைக்கூ )
எதைச் சாப்பிட்டிருக்கும்?
செடியின் கீழ்
இறந்த பட்டாம்பூச்சி.
What would you have eaten?
Dead butterfly
Under the plant.
Thuraivan NG
Friday, 22 April 2022
Tea Time / டீ டைம் ( கவிதைகள் )
Tea Time / டீ டைம்
ந க துறைவன்.
ஃ
11.
ஒவ்வொரு மனிதனின்
ருசி உணர்வின் வெளிப்பாடு
லைட் ஸ்டாங்க் டீ.
12.
அனைத்தும் ஏற்றி முடித்தனர்
களைப்பு நீங்க டீ குடித்தனர்
புறப்பட்டது தேங்காய் லாரி.
13.
செடிகளுக்கு உரம்
தூக்கி சென்றாள்
டீத்தூள் கழிவு வாளி.
14.
கடன் கேட்டதால் தகராறு
கெடு விதித்து மீண்டும்
வாங்கிக் குடித்தார் டீ.
15.
டீக்கடை வாசலில்
காத்திருக்கிறது நாளெல்லாம்
பொறைக்காக நாய்.
ந க துறைவன்
Subscribe to:
Posts (Atom)