தினமும் சூரிய நமஸ்காரம்
பயிற்சி செய்கிறது தவறாமல்
முள்வேலி மேல் ஓணான்.
ந க துறைவன்.
தியானம் பயிற்சி
Monday 24 December 2018
Saturday 22 December 2018
அனேகம்
சிவனே என்று உள்நினைந்து
சும்மா கிடந்த எனைத்
துரத்துகின்றன தொல்லைகள் அனேகம்.
ந க துறைவன்.
தொல்லைகள்
Thursday 6 December 2018
Wednesday 5 December 2018
செல்வம்
" செல்வம் சம்பாதிக்கும் சக்தி இருக்கும் வரையில், ஒருவனது குடும்பத்தினர் அன்பு காட்டுவார்கள். முதுமை ஏற்பட்டு, உடல் நலிந்து விடும்போது, வீட்டு மனிதர்கள் பேசக் கூட மாட்டார்கள்".
ஆதாரம்: ஓஷோவின் " பஜகோவிந்தம் " நூல் - பக்கம்: 43.
தகவல் : ந க துறைவன்.
மேற்கோள்
Monday 12 November 2018
குட்டி கதை
குட்டி கதை
குழந்தை வளர்ப்பு
ஒரு குழந்தை தன் வீட்டிற்கு வெளியே நின்று அழுதுகொண்டிருந்தது. அந்த வழியாகப் போய்க் கொண்டிருந்த ஒரு வயதான பெண்மணி குழந்தையைப் பார்த்துக் கரிசனத்துடன் கேட்டாள்.
" என்ன ஆயிற்று. ஏனப்பா அழுகிறாய்?"
" குழந்தை வளர்ப்பது எப்படி என்ற புத்தகத்தை என் அம்மா தொலைத்துவிட்டாள். இப்போது அவள் மனம் போன போக்கில் என்னை வளர்க்கிறாள். அதனால்தான் அழுகிறேன்."
ஆதாரம்: ஓஷோவின் ' பாதை சரியாக இருந்தால்...' - நூல். பக்கம். 79.
தகவல்: ந க துறைவன்.
Sunday 11 November 2018
இன்னும்...!!
தொலைந்து போனேன் என்று
தேடினார்கள்
இன்னும் இங்கேதான்
வாழ்ந்து கொண்டிருக்கிறேன்
தொலைந்து போகாமல்...
ந க துறைவன்.
Wednesday 24 October 2018
அந்த ஒன்றை...!!
அவர் எதைக் கண்டறிந்தார்
கண்டறியாதன அந்த ஒன்றை
எப்பொழுது கண்டறிந்தார்?
கண்டறிந்ததை எப்பொழுது
வெளிப்படுத்தினார்?
எவருக்கு கற்பித்தார் ரகசியமாய்
எங்கோ பூரணமாய்
இயங்கும் காணாத
எந்த ஒன்றையும்
அந்த ஒன்றையும்...
ந க துறைவன்.
காணாத அந்த ஒன்றை...
Saturday 20 October 2018
பேனர்கள்
அரசியல் பேனர்களை
மிஞ்சி விட்டன.
சாலையோரம் எங்கும்
திருமணம்
இறப்பு
வண்ண வண்ண
டிஜிட்டல் பேனர்கள்.
ந க துறைவன்.
பேனர் விளம்பரங்கள்
விமர்சனம்
நவீன ஹைக்கூ கவிதைகள்
எழுதுவதில் தேர்ந்தவர்
ந க துறைவன்
அவர் ஹைக்கூ கவிதைகளில்
ஆழ்ந்த பொருள் இருக்கும்.
வாசிப்பவர் உள்ளத்தில்
அலைகளை உண்டாக்கி
கொண்டே இருக்கும்.
அண்மையில் வெளியிட்டுள்ள
ஹைக்கூ தொகுப்பு
' ஒரு கை ஓசை '
அரசமரத்தடியின் கீழ்
எண்ணெய் இல்லாத
அகல் விளக்குகள்.
ஒரு கை ஓசையில்
ஓர் ஓசை.
பொன். குமார்.
9003344742
மிக்க நன்றி
பொன். குமார்.
ந க துறைவன்.
ஹைக்கூ விமர்சனம்
Wednesday 17 October 2018
தவளைகள்
1.
மழைத் துளிகள் உடலில் பட்டதும்
சிலிர்த்து எழுந்தன
நீரின்றி வாடிய தவளைகள்.
2.
தவளைகள் நீண்ட உரையாடல்
மகிழ்ச்சி ஆரவாரம்
மழைக் குறித்து விமர்சனம்.
3.
எத்தனை நாளாச்சு?
ஆரோக்கியமாய் குளிச்சி
மழைநீரில் மரங்கள்.
4.
நிலவொளி அற்ற இரவு
வெளியெங்கும் மழை இரைச்சல்
வாகனங்கள் பாய்ச்சும் ஒளி.
5.
மழைக்கு ஒதுங்க
இடம் தேடி அலைகின்றன
தெரு நாய்கள்.
ந க துறைவன்.
மழைக் காலம்
Tuesday 9 October 2018
முரண் வலி
கவலைப் படர்ந்த
வெளிர் முகம்
சத்தம் எழுப்பாத
உள் மனம்
உதடுகள் அசையாத
விசும்பல்.
எதையோ இழந்து விட்ட
ஏமாற்ற உணர்வு
இன்னும் தீராத
வாழ்வின் முரண்
பெரு வலி
எந்நேரமும்
எதிர் நோக்கி...
ந க துறைவன்.
முரண் வலி
Sunday 7 October 2018
Saturday 6 October 2018
சிலைகள்
செயற்கை
புல்வெளி கீழ்
புதைந்திருக்கின்றன
கடத்தப்பட்ட காக்கும்
கடவுள் சிலைகள்.
ந க துறைவன்.
கடத்தல்
Friday 5 October 2018
Tuesday 2 October 2018
கிறுக்கல்கள்
கிறுக்கல்கள்
1.
புரியவில்லை என்றான்
எதுதான் புரிந்திருக்கிறது
அவனுக்கு
கோழி கிறுக்கல்களாய்
கையெழுத்து.
2.
தோழிகளைப் பிரிந்து
தனியாய்
யாருடன்
விளையாட வந்தது
மலையில்
இறங்கிய நிலா.
3.
மறைக்கப்பட்டது
யாருடைய முகம்?
சொல்லப்படும் கதை
எது நிஜம்?
அரசமரத்தடியில்
பிள்ளையார்கள்.
4.
குட்கா
பான்மசாலா
புகையிலை
துர்நாற்றம்
குப்குப்பென்று
வீசுகிறது
தமிழகமெங்கும்.
5.
வெளிச்சத்தில் இருட்டு
மனதில் தெளிவு
பாதையில் சரளைக் கற்கள்.
6.
சோக முகம்
உடல் மறைந்திருக்கிறது
வீட்டின் கதவுக்கு
பின்னால்.
7.
அருவி நீர் சலசலப்பு
பாறைகள்
உணர்ந்தனவா?
குரங்குகள் குதியாட்டம்.
8.
அமைதியான
தாமரைப்பூக்கள்
ஆணவத்தின் மிதப்பில்
அகன்ற
இலையில்
தத்தளிக்கும்
நீர்த்துளிகள்.
9.
தொட்டியில் பூச்செடிகள்
தும்பிகள் வருகை.
துவங்கியது
மழைக் காலம்.
10.
இசையின் ஒலி
இருளில் ஐக்கியமானது
அமைதியில்
மனம் ஒடுங்கி.
ந க துறைவன்.
03-Oct-2018 10:25:42 AM
கிறுக்கல்கள் கவிதைகள்
Monday 1 October 2018
Monday 24 September 2018
புரட்டாசி
1.
கறி தின்று ருசி கண்ட
வீட்டு வளர்ப்பு நாய்
புரட்டாசி மாதம் விரதம்.
2.
நாய்கள் ஏக்கமாய் காத்திருப்பு
கறிக் கடைகள் மூடல்
புரட்டாசி மாதம் விரதம்.
3.
பக்கத்து வீட்டுக்காரர்
சகவாசமே இல்லை
காற்று மட்டும்
உறவை இணைக்கிறது
கருவாடு வாசம்
தூக்கலாய்...
ந க துறைவன்.
புரட்டாசி விரதம்
Saturday 22 September 2018
Thursday 20 September 2018
குறிஞ்சி மலர்கள்
மலையே அழகின் பூரிப்பு
பருவகாலம் உணர்த்தி வருகை குறிஞ்சி மலர்கள் பூத்து...
ந க துறைவன்.
குறிஞ்சி பூக்கும் காலம்
Monday 17 September 2018
Thursday 13 September 2018
குட்டிக் கதை
ஒரு வசந்த கால இரவு. அமாவாசை இருட்டில் இரண்டு காதலர்கள். ஒரு புல்வெளியில் கொஞ்சிக் கொண்டிருந்தார்கள்.
அவன் அவளிடம் கிசுகிசுத்த குரலில், " ஒரு டார்ச் லைட் கொண்டு வந்திருந்தால் நன்றாயிருந்திருக்கும். " என்றான்.
அவளும், " சரிதான். ஐந்து நிமிஷமா புல்லை நக்கிக்கிட்டிருந்தே. " என்றாள்.
ஆதாரம்: ஓஷோ - தம்மபதம் - பாகம் - 8. பக்கம் - 329.
தகவல் : ந க துறைவன்.
ஓஷோவின் கதை
Wednesday 12 September 2018
செயல்
எதைச் செய்யக் கூடாதோ
அதைச் செய்கிறாய்
எதைச் செய்ய வேண்டுமோ
அதைச் செய்வதில்லை.
- ஓஷோ - தம்மபதம் - பாகம் - 8
பக்கம் 141.
- தகவல் : ந க துறைவன்.
Quotes
Tuesday 11 September 2018
கதவு
வீட்டின் கதவுக்கு பின்னால்
உடல் மறைந்திருக்கிறது
சோக முகம் வெளி நீட்டி...
The door of the House is hidden
Behind the body sad face
Stretched outside.
Thuraivan NG
பெண் நிலை
Monday 10 September 2018
Sunday 9 September 2018
Saturday 8 September 2018
Thursday 6 September 2018
Monday 3 September 2018
வழிகாட்டி
உன்
பாதங்களின் விரல்கள்
எத்தனை அழகு?
அந்த உன்
நடை ஒழுங்கின் கம்பீரமே
என் வாழ்க்கை வழிகாட்டி.
ந க துறைவன்.
விழிப்புணர்வு
விழிப்புணர்வு
Friday 31 August 2018
Sunday 26 August 2018
Friday 24 August 2018
பார்த்தீனியம்
அழிப்பதற்கு எவருமில்லை
படர்ந்து வளர்கிறது எங்கும்
நஞ்சு பார்த்தீனியம்.
ந க துறைவன்.
நஞ்சு பார்த்தீனியம்
Thursday 23 August 2018
இனிது
துன்பம் இனிது
துயரம் நன்று
வேதனை சுகம்
கவலைக் கனிவு
அழுகை ஆனந்தம்
விகாரமாயிருப்பதில்லை
யாருக்கும் மனம்
எதிலும்
முரண்பட்டதோ
இந்த வாழ்க்கை.
ந க துறைவன்.
வாழ்க்கை
Tuesday 21 August 2018
Monday 20 August 2018
பூரணமாய்...!!
என்னுள்
நீ பூரணமாய்
நிரம்பி விடு
மௌனத்தை
வழங்கி விடு
உன்னுள்
கரைகிறேன்
மறைகிறேன்
சூட்சுமமாய்
சூன்யத்தோடு
சூன்யமாய்
உன் இருப்பில்
என்றும்
நான்!
ந க துறைவன்.
பூரணமாய்...
Thursday 16 August 2018
அஞ்சலி
இந்தியாவின் முன்னாள் பிரதமரும், பாஜகவின் மூத்த தலைவரும், சிறந்த கவிஞருமான திரு. அடல் பிகாரி வாஜ்பாய் அவர்கள் காலமானார்.
அவருக்கு எனது ஆழ்ந்த அஞ்சலி பதிவு செய்கிறேன்.
ந க துறைவன்.
அஞ்சலி
Wednesday 15 August 2018
இயர்போன்
காதில் இயர்போன்
கையில் செல்போன்
தோளில் பை
பேருந்தில் நின்றவாறு
காதலுடன் தொடர்ப்பேச்சு
உற்று கவனிக்கும் பயணிகள்
உரசி உரசி செல்லும் கண்டக்டரின் மெல்லிய புன்னகை
முகத்தை மறுபக்கம்
திரும்பி நின்றிருக்கும்
சகப்பெண்கள்
அடிக்கடி விசில் சத்தம்
வருகிறது பேருந்து நிறுத்தம்
இறங்குகிறார்கள்
ஏற்றுகிறார்கள் படிகளில்
வாழ்க்கை படிகளில்...!!
ந க துறைவன்.
பேசியபடியே பயணம்
Friday 10 August 2018
சொல்ல...
சொல்ல ஒன்றுமில்லை
என்றான்
மனசில் சொல்ல
ஆயிரமாய்
சொற்கள் வைத்துக் கொண்டு
செய்திகள் வைத்துக் கொண்டு
வதந்திகள் வைத்துக் கொண்டு
எவரிடம் சொல்லலாம் என்று
கணப்பொழுதும்
மனம் புழுங்கி...!
ந க துறைவன்.
சொற்கள்
Saturday 4 August 2018
Thursday 2 August 2018
சிலைகள்
அரூபம் உருவமாகியது
ரூபமாகிய சிலைகள்
தத் சித் ஆனந்தமாய்
கடத்தப்படுகின்றன
வெளி தேசம்.
ந க துறைவன்.
கடத்தல்
ஆடி பெருக்கு
ஆடி வந்தாள் காவிரி
அழகான அலைபரப்பி
நீரில் மிதக்கும் நெய் விளக்கு
நினைவெல்லாம் பிரார்த்தனைகள்
கரையெங்கும் கலகலப்பு
கைவளையல்கள் சலசலப்பு
காவிரியில் நீர்ப்பெருக்கு
கழனியெலாம் வளம் செழிக்கும்
வாழ்க்கை வளமாக்கு
ஆடி வரும் காவிரியே
அனைத்துலகம் சேமமுறவே!
ந க துறைவன்.
ஆடிப்பெருக்கு கொண்டாட்டம்
Tuesday 31 July 2018
பல்லி
குட்டி கதை
பல்லி
அரண்மனைப் பல்லி தர்பார் மண்டபத்தின் மேற்பகுதியில் ஒட்டிக்கொண்டிருக்கும். அவ்வூரிலிருந்த சாதாரண பல்லிகள் இந்த அரண்மனைப் பல்லிக்கு மரியாதை கொடுத்துத் தங்கள் சமூக நிகழ்ச்சிகளுக்கு அழைக்கும். ஆனால் இது என்றும் போகாது. ஒரு முறை சில பல்லிகள் அது ஏன் அரண்மனையை விட்டு வெளியே வருவதே கிடையாது என்று கேட்டன. அதற்கு அரண்மனைப் பல்லி, " மடையர்களே! இது கூடவா தெரியாது? நான் தானே தர்பார் மண்டபத்தின் மேற்பகுதி முழுவதையும் தாங்கிக் கொண்டிருக்கிறேன். நான் வெளியேறினால் மேற்பகுதி விழுந்து மண்டபம் சிதறிப் போகாதா" என்று காட்டமாகக் கேட்டது.
ஆதாரம்: ஓஷோ - அஷ்டாவக்ர மகாகீதை - பக்கம்- 96-97.
தகவல் : ந க துறைவன்.
Tuesday 24 July 2018
மகிழ்ச்சி
சிலர் மகிழ்ச்சியாக
இருக்கிறார்கள்
சிலர் மகிழ்ச்சியே
இல்லாமல் இருக்கிறார்கள்
மகிழ்ச்சி
மனதில் எப்போதுதான்
மலரும்?
*
மலரும் புன்சிரிப்பு
உல்லாச மனம்
மேனி அலங்காரம்
வெளி அழகு
உள்ளே எப்பொழுதும்
சோக மயம்.
ந க துறைவன்.
மகிழ்ச்சியாக இருத்தல்
Monday 23 July 2018
ஆடிமாதம்
வேப்பிலை ஆடைகள் கட்டி
பிரகாரம் வலம் வந்தாள்
அவள் மீது எத்தனை பார்வைகள்?
*
ஆடிமாதம்
அம்மன் மாதம்
என்பது போய்
ஆடைகள் மாதம்
என்றாக்கி விட்டார்கள்.
ந க துறைவன்.
ஆடிமாதம்
ஆடிமாதம்
வேப்பிலை ஆடைகள் கட்டி
பிரகாரம் வலம் வந்தாள்
அவள் மீது எத்தனை பார்வைகள்?
*
ஆடிமாதம்
அம்மன் மாதம்
என்பது போய்
ஆடைகள் மாதம்
என்றாக்கி விட்டார்கள்.
ந க துறைவன்.
ஆடிமாதம்
சிறகுகள்
காய்ந்த இலைகளுக்கு
சிறகு முளைக்கின்றன
பலத்த காற்றின் போது.
*
சருகு இலைகள்
எரித்து குளிர்க்காய்கிறான்
வழிப்போக்கன்.
ந க துறைவன்.
காற்றின் போது
Thursday 19 July 2018
Thursday 12 July 2018
Wednesday 11 July 2018
Monday 9 July 2018
முற்றுபெறாமல்...!!
உனக்காக
காதல் கவிதை
செல்லில் எழுதி
குறுஞ்செய்தி
அனுப்பவும் நினைத்து
டைம் செய்யும் போதேதான்
அம்மாவின் அழைப்பு குரல்
" வாடா, ஒரு வேலை என்று..."
அப்பா, என்னைத் திட்டிவிட்டு
போகிறார்
வெளியில்
பூக்காரி குரல்
யார் மீது கோபப்படுவது?
வார்த்தைகள்
அப்படியே நிற்கின்றன
முற்றுபெறாமல்...!!
ந க துறைவன்.
முற்றுபெறாத கவிதை
Tuesday 3 July 2018
பற்றி...
பகல் நேரப் பொழுதில்
ஆழ்ந்து யோசித்திருந்தேன்
எதைப் பற்றி...?
இதைப் பற்றியல்ல
அதைப் பற்றியல்ல
அவள் பற்றியல்ல
வேறு
எதைப் பற்றி..?
அதுபற்றி
இப்பொழுது சொல்கிறேன்
அவசரப்பட வேண்டாம்
ஆ...
அவள் நேற்று சொன்னது
என்னைப் பற்றி...
இப்பொழுது
உங்களுக்கு சொல்கிறேன்
அவளைப் பற்றி
கொஞ்சமாய்...
ந க துறைவன்.
அவள் பற்றி...
Saturday 30 June 2018
Wednesday 27 June 2018
உணர்ந்து
உள் உணர்ந்து காண்கிறேன்
கடந்து செல்கிறது மனம்
சூரிய வெளிக்கு அப்பால்.
I see has realized
Passes the mind
Beyond the outer space.
Thuraivan NG
வெளியில்...
Tuesday 26 June 2018
Monday 25 June 2018
Sunday 24 June 2018
மனநோய்
மனநோய்
1.
ஒருவனை டார்ச்சர் செய்து
பழகியவனை,
அவனை இன்னொருவன் டார்ச்சர் செய்ய
காத்திருப்பான்
டார்ச்சர் என்பது மிகக்
கொடூரமான வக்ரபுத்தி.
2.
பெரும்பாலான
துன்பங்கள்
டார்ச்சர் என்கிற
துன்புறுத்தலால்தான்
நிகழ்கின்றன.
3.
டார்ச்சர் என்பது
உளவியல் சார்ந்த
மனநோய்.
4.
எல்லோருடைய மனங்களில் புகுந்திருந்து
ஆட்டிப்படைக்கிறது
டார்ச்சர் எனும்
மனப்பேய்.
5
டார்ச்சர் செய்பவன்
டார்ச்சரால் அழிவான்.
6.
சாதுவாக இருப்பவனும்
டார்ச்சர் செய்கிறான்
கோபமாக இருப்பவனும்
டார்ச்சர் செய்கிறான்.
ஆக, டார்ச்சர்
சர்வ மயமாய்
உடலில் இயங்கும்
எதிர்மனச் சக்தி.
7.
டார்ச்சரால் தற்கொலைக்கு
முயற்சிப்பவர்கள்
எதிர்த்து போராடும்
மனப்பக்குவம் இழந்து
மனபிறழ்வுக்காளாகி
என்றோ ஒருநாள்
தன் தீர்வைத் தானே தேடி
நாள் குறித்து கொள்கிறார்கள்
முன்கூட்டியே உள்ளுணர்வால் உணர்ந்து...
8.
டார்ச்சர் மரணங்கள்
இங்கே
சங்கேதக் குறீடுகள்
விட்டுச் செல்கின்றன
அதன் ஆய்வுகள்
புலப்படாமலேயே
மறைகின்றன.
9.
டார்ச்சர்
மெல்ல மெல்ல
உயிர் பறிக்கும்
உயிக்கொல்லி.
10.
உடல் நோய்க்கு
மருந்துண்டு
மனநோய்க்கு
மருந்தில்லை.
ந க துறைவன்.
சில அனுபவங்கள்
Saturday 23 June 2018
ஞானம்
தத்துவம் புரிந்து கொள்ள
கொஞ்சம் ஞானம் தேவையென
தத்துவம் அறிந்தவர் சொன்னார்
அவனோ
நா நல்லாவே புரிஞ்சிக்குவேன்
என்று
பளிச்சென்று பதில் சொன்னான்
" அப்ப நீ
என்ன படிச்சிருக்கே "
என்று கேட்டார்
அவன் பதில் சொன்னான்
" நான் பள்ளிக்கூடமே போகலையென்று..."
ந க துறைவன்.
தத்துவ விசாரணை
அவள்
அவள் புரியும்படி
சொல்லென்று கேட்டாள்
அவன் புரியும்படி சொன்னது
அவளுக்குப் புரியவில்லை
கொஞ்சம் தடுமாறினாள்
புரிந்துக் கொள்ள
மீண்டும்
சொல்லி புரிய வைத்தான்
மெதுவாக
அவளுக்கு எது புரிந்திருக்கும்?
எது புரியாமல் தவறியிருக்கும்?
ஏதோ, இப்பொழுதாவது
அவன் சொன்னது
அவளுக்கு
புரிந்திருந்தால் சரி.
ந க துறைவன்.
புரிதல்
Friday 22 June 2018
புரிதல்
புரிஞ்சிதா, புரிஞ்சிதா என்று
வார்த்தைக்கு வார்த்தை பேசி
புரிய வைக்க முயன்றவர் பேச்சு
கொஞ்சம் குழப்பமாகவே
புரியாமல் போனது அவனுக்கு
அப்புறம் தான் புரிந்தது
அவர் புரியும்படி
சொன்ன விளக்கம் இப்பொழுது...
+
சிலர் சுற்றி வளைத்து
பேசி புரிய வைப்பார்கள்
சிலர் நேரடியாக பேசி
புரிய வைப்பார்கள்
சிலர் பேசாமலேயே
செயல்வழி புரிய வைப்பார்கள்
புரிய வைப்பதை எத்தனையோ
வழிகளில் புரிய வைக்கலாம்
அதில் எது
புரிந்துக் கொள்ளத்தக்கதோ?
அதுவே புரிந்து கொள்ள இயலும்
அக்கணத்தில்...
ந க துறைவன்.
புறிதல்
Tuesday 19 June 2018
காதல் வரிகள்
கசக்கி எரிந்தக் காகிதம்
புல்வெளியில்
எடுத்துப் பிரித்து படித்தால்
அது
யாருக்கோ எழுதிய
காதல் வரிகள்.
ந க துறைவன்.
கசங்கிய காகிதம்
Monday 18 June 2018
அப்பா...!!
அப்பா
1.
அப்பாவின்
சுண்டுவிரல்
பிடித்து நடந்த மகன்
திருமணத்தில்
மனைவியின்
சுண்டுவிரல்
பிடித்து நடந்தான்
இப்பொழுது
சுண்டுவிரல்
கவனமே
இருவருக்குமில்லை.
2.
மகனைத் தோளில்
சுமந்து
கருடசேவை
தரிசனம் செய்தார்
அப்பா.
3.
இப்பொழுது
அப்பாவின் நினைவேயில்லை
மகனுக்கு
இரண்டு குழந்தைகள்
பெத்த பிறகு.
4.
அப்பாவுக்கு
மகளைப் பிடிக்கும்
அம்மாவுக்கு
மகனைப் பிடிக்கும்
இப்பொழுது
இருவரின் பிடிப்பும்
கைவிட்டு போய்விட்டது.
5.
மகன்
கல்வி கற்க வேண்டி
கடன் வாங்கி
சொத்தைக் கரைத்தார்
அப்பா.
6.
அப்பாவின்
பாக்கெட்
காலி
செய்து விட்டான்
பாச மகன்
7.
அப்பாவுக்கும்
மகனுக்கும்
பிரச்சினை
வரும் போதெல்லாம்
இருவரையும் சமாளிக்கும்
சமாதானப் புறா
அம்மா.
8.
அப்பாவின்
சொத்து பத்திரங்கள்
அனைத்தும்
மகன் பெயருக்கு
மாறிவிட்டது
அப்பா
இப்பொழுது...?
9.
மகன் வருகை
எதிர்ப்பார்த்து
காத்திருக்கிறார்
மரணித்த
அப்பா
சவப்பெட்டிக்குள்.
ந க துறைவன்.
அப்பாவின் வலி
Thursday 14 June 2018
வெளி
அறையில் இன்னிசை
சிறகு விரித்து குருவி பறத்தல்
கற்பனைக்கு அப்பால் வெளி.
ந க துறைவன்.
வெளிக்கு அப்பால்
Wednesday 13 June 2018
குடிநீர்
அன்றைய கிராமங்களில் இருந்த
மிகச் சுவையானது
நீரோடைக் குடிநீர்
இன்றைக்கு அது கிடைக்குமா?
ந க துறைவன்.
நீரோடைக் குடிநீர்
Tuesday 12 June 2018
Monday 11 June 2018
Sunday 10 June 2018
வலி
வலிக்கு நிவாரணம் தேடினாள்
இன்னொரு வலி தேடி வந்தது
நேற்று நிர்வாணப் பதவியடைந்தாள்.
ந க துறைவன்.
காதல் தோல்வி
Saturday 9 June 2018
செம்பருத்தி
செம்பருத்தி
1.
செம்பருத்தி
பெண்மை விருத்தி
செம்பருத்தி அழகு
பருவத்தின் அழகு
2.
அவளுக்கும்
செம்பருத்திக்கும்
நெருங்கிய உறவு
எப்பொழுதும் உண்டு
அது
இருவருக்கும்
அழகியல் பந்தம்.
ந க துறைவன்.
செம்பருத்தி அழகியல்
Thursday 7 June 2018
நிறங்கள்
நிறங்கள்
*
நிறங்கள் எல்லாம்
ஒன்றே
நிறங்களின்
பெயர் தான்
ஏழு.
*
நிறம்
நிரந்தரமானது
மனதைக் கவரும்
தந்திரம்
வைத்திருக்கிறது
உள்ளே...
*
புதிய புதிய
நிறங்கள் உருவாக்கலாம்
மனதுக்குப் பிடித்த
நிறத்தை
மனிதர்கள்
மாற்றிக் கொண்டே
இருப்பார்கள்.
*
அவரவர்க்கு
பிடிக்குமொரு நிறம்
நிறம்
பிடிக்காதவர்கள்
எவரேனும் உண்டோ?
*
ஏழு நிறங்களுக்கு
சண்டையில்லை
இரண்டு
நிறங்களுக்குத்தான்
எப்பொழுதும்
கலகம்... சண்டை...?
*
மலர்கள்
பல நிறம்
மனிதர்கள்
இரு நிறம்.
*
எல்லா நிறங்களின்
ஒளிச்சேர்க்கை
கிரணங்கள்
உள்வாங்கிக் கொள்கிறது
மனித உடல்.
ந க துறைவன்.
ஏழு நிறங்கள்...
Monday 4 June 2018
Thursday 31 May 2018
Tuesday 29 May 2018
இக்கணம்
இக்கணம் ஏதோவொரு
இலக்கோடு
பலகாததூரம் சலிப்பின்றி
அப்பறவை
பயணிக்கிறது ஒரு திசையில்.
ந க துறைவன்.
சலிப்பற்ற பயணம்
Saturday 26 May 2018
உப்பு
உப்பு நிறம்மாறி கரித்தது
உயிர்கள் இழந்து வீடுகளில் சோகம்
குருதியில் உறைந்தது மண்.
ந க துறைவன்.
நிறம் மாறிய உப்பு
Friday 25 May 2018
Wednesday 23 May 2018
முத்துக்கள்
சூரியன் சிவந்தான்
கடல்நீர் பிரதிபலித்தது
முத்துகள் ரத்தநிறம்.
He was the Sun Red
Seawater is reflected
Blood coloured pearls.
Thuraivan NG
வெண்முத்து நிறம் மாறல்
Tuesday 22 May 2018
அஞ்சலி
தூத்துக்குடி
போராட்டத்தில்
உயிரிழந்தவர்களுக்கு
எனது ஆழ்ந்த அஞ்சலி.
ந க துறைவன்.
தூத்துக்குடி போராட்டம்
Monday 21 May 2018
வேம்பு
நேற்று பெய்த மழைக்காற்று
முறித்து வீழ்த்தியது நொடியில்
அனலை விசிறி நின்ற
வேம்பு மரத்தை...
ந க துறைவன்.
காற்று மழை
Sunday 20 May 2018
அவளின் அதிகாரம்
அவளின் அதிகாரம் உச்சம்
யாரும் தலையிட மறுப்பு
அகங்காரம் தொனி ஆயுள்வரை.
ந க துறைவன்.
மன இயல்பு
Saturday 19 May 2018
கற்பனையே...!!
" அனைத்துங் கற்பனையே; ஆத்மாவோ கட்டற்ற பழம்பொருள்" என்றுணர்ந்த தீரன் சிறுவனைப்போல் என்ன பழகுவது?
அஷ்டாவக்ர கீதை.
அஷ்டாவக்ர கீதை உரை
Friday 18 May 2018
Thursday 17 May 2018
கண்களில்...
கண் பார்வையால்
எதையோ தேடுகிறாய்?
எதுவென்று புலப்படவில்லை
உன்னுள் நிறைந்த மௌனமோ
எதையென்று
வெளிப்படுத்தி உணர்த்த
மறுக்கிறது.
கடலின் ஆழமிக்கது
உனது
புதிர் மனம்
ந க துறைவன்.
பார்வை வீசி...
Monday 14 May 2018
புள்ளிகள் இணை...!!
1.
சீரியஸான விஷயத்தை எளிதாக
எடுத்துக் கொள்கிறார்கள்
ஒன்றுமில்லாத விஷத்தைப்
பெரியதாக்கி விடுகிறார்கள்.
2.
அந்த காக்கா
யார்?
தாத்தாவா? அப்பாவா?
வைத்த படையல் சோறு
சாப்பிடுவார்களா?
இன்று அமாவாசை.
3.
கோடை விடுமுறை
குழந்தைகள்
ஊரிலிருந்து வருகை
கலகலப்பாக இருக்கிறது
வீடு.
4.
புள்ளிகள் இணை
புதிய கோலம் வரும்
எறும்புகள் ரசிக்கட்டும்.
5.
என்னுள்
உன்னைத் தேடு.
ந க துறைவன்.
அனுபவங்கள் பகிர்வு
Friday 11 May 2018
கருணை
எல்லையற்ற கருணை மனம்
எந்த மரமும் நிராகரிப்பதில்லை
பறவைகள் அமர்ந்து ஒய்வெடுப்பதற்கு.
ந.க துறைவன்.
பறவைகள் ஓய்வு
வெற்றிடம்
1.
வெற்றிடம்
வெற்றிடமாக
இருந்தாலே அழகு.
உன் வெற்றிடம் தான்
எனக்கு
பேரழகு.
2.
குளிர்பானம்
கோடை வெயிலுக்கு
அவனுக்கு பிடித்தது
அவன் குடித்தான்
அவளுக்கு பிடித்தது
அவள் குடித்தால்
இருவரின்
சுவையே வேறு வேறு
3.
நீட்
எழுதி முடித்து
கூந்தல் முடிக்காமல்
புதிய திரௌபதிகள்
மௌனமாய்...
கலைந்தனர்.
4.
எல்லாம் கழற்றி விட்டு
எழுத அனுமதிப்பது தான்
தேசிய தேர்வு நீட்.
5.
பூங்காவில் கூடினார்கள்
கவிதை வாசித்தார்கள்
வண்ணத்துப்பூச்சிகள்
கேட்டு பறந்தன அப்பால்...
6.
பூங்கா நிறைய கூட்டம்
தும்பிகள் துறத்தும் விளையாட்டு
சந்தோஷம் இல்லாத
சில முகங்கள்.
7.
எழுது ...அழி
எழுது ...அழி
தலைசீவு
இது
உருவாக்கும்போதே
எழுதப்பட்டப்
பென்சிலின் விதி.
8.
நாசி நுகர்ந்தது
நறுமணம்
அறையெஙகும்
சாம்பிராணி புகை
கொசுக்களுக்கு பகை.
ந க துறைவன்.
குறுங்கவிதைகள்
Thursday 10 May 2018
குலதெய்வம்
புதர்கள் அடர்ந்த வனப்பகுதி
ஊர்எல்லைக்கு வெளியே
காவல் இருக்கிறாள் குலதெய்வம்.
ந க துறைவன்.
காவல் காக்கிறாள்
Sunday 6 May 2018
சொல்வதெல்லாம்..!!
1.
சொல்வதெல்லாம்
புரிந்து விட்டால்
சிரமம் இல்லை
சொல்வதெல்லாம்
புரிந்ததென்றும்
சொல்வதற்கிலலை.
2.
சொல்வது எல்லாமே
புரிந்து விடும்
சொல்வதைப் பொறுத்து.
3.
கார்டுகளிலே தான்
காலம் தள்ளுகிறோம்
இனி
கார்டுகளே கைடுகள்.
4.
யாருடைய பிரச்சனையோ
சலிக்காமல் பேசினர்
என்னருகில்
பரிச்சயமற்ற நபர்கள்.
5.
மக்களை நிராகரிப்பவர்கள்
மக்கள் நிராகரிப்பார்கள்.
6.
வெயிலுக்கு
குளிச்சியாய்
எழுதினான்
நுங்கு கவிதை.
ந க துறைவன்.
புரிதல்
Wednesday 2 May 2018
இரவு
இரவு
1.
உயிர்களின் உறவுகள்
எத்தனை ரகசியமாய்
உணர்ந்து அனுபவிக்கிறது
அந்தரங்கமாய் இருட்டு.
2.
இளம் சூட்டு புழுக்கம்
இருளில் இரைதேடி நகர்கிறது
வளைந்து நெளிந்து பூரான்.
3.
மன இறுக்கம், அவதி, உலைச்சல் என
அமைதியின்மையால்
நிம்மதி இழக்கும்
மானுடருக்கு
சில மணி நேரம்
விடுதலை
அளிக்கிறது இரவு.
4.
அவள் என்னோடு
அந்தரங்கமாய் பேசி
களிப்பதற்கு
துணை புரிகிறாள்
இரவு தோழி.
5.
இரவை யாரும்
பழித்து பேசுவதில்லை
எல்லாருமே
புகழ்ந்து பேசுகிறார்கள்
புகழ்ச்சியில் தான்
அவள்
மயங்கி நெருங்குகிறாள்
என்னிடம்!
ந க துறைவன்.
இரவு
Thursday 26 April 2018
Wednesday 25 April 2018
மௌனம்
மௌனம்
1.
மௌனமாய் இயங்குகிறது
பிரபஞ்சம்
வெளி தான்
ஆர்ப்பரிக்கிறது
இரைச்சலாய் எந்நேரமும்...
2.
நான்
மனமற்று கம்பீரமாய்
மௌனம்
அனுஷ்டிக்கிறது
அழகான பூக்கள்.
3.
இளநீர்க்குள்
நிரம்பி இருக்கிறது
தென்னையின்
ஆழ்ந்த மௌனம்.
4.
மொழி அற்ற
மொழியே
மௌனம்.
5.
நடைபயிற்சி போது
செம்பருத்தி பூ
தரிசனம்
உபதேசித்தது
உள்மௌனம்.
ந க துறைவன்.
Apr 26, 2018 9:36:35 AM
மௌனமாய்...
உள்தாகம்
சில்லென்று குடிப்பதற்கு
குளிர்பானக் கடையில் கூட்டம்
வாங்கி பருகினாலும்
உள்தாகம் தணியாமல்
முகமெல்லாம் வியர்வைத்துளிகள்.
ந க துறைவன்.
கோடை வெப்பம்
Tuesday 24 April 2018
நிழல் அற்ற..
நிழல் அற்ற வெட்டவெளி
பிரதிபலிக்கின்றன வெப்பக்கதிர்கள்
பறந்து செல்கிறது சட்டென
பாறைமேல் அமர்ந்த பறவை.
ந க துறைவன்.
கோடைவெயில்
Monday 23 April 2018
மண்குடம்
அனல் வீசும் கோடை காற்று
வெக்கையில் வியர்வைத்துளிகள்
மண் குடத்தில் சூரியன்.
ந க துறைவன்.
கோடை வெப்பம்
Sunday 22 April 2018
Saturday 21 April 2018
சமாளிப்பு
சமாளிப்பு
1.
எங்கும்
வெக்கையாக இருக்கிறது
மரங்களே
கொஞ்சம் வேகமாக
விசுறுங்கள்.
2.
சமாளிப்புக்காக
சொல்லும் பொய்யே
அவர் யார்? என்பதை
உணர்த்தி விடுகிறது.
3.
டீ
கோப்பைகள்
இடையே
இருவர் உரையாடல்
இனிப்பாய்!.
4.
நிறைய தகவல்கள்
கிடைக்கின்றன
ஜோக்ஸ்
எழுதுபவர்களுக்கு.
5.
தமிழ் நாட்டில்
நகைச்சுவை
பேச்சுக்கு
பஞ்சமே இல்லை.
ந க துறைவன்.
சில துளிகள்
Friday 20 April 2018
Thursday 19 April 2018
அடையாளம்
பால்காரன் மணிசத்தம். எழுந்து ஓடும் நாய்கள். கோலத்தின் மீது பேப்பர் போடும் சிறுவனின் சைக்கிள் டையர் அடையாளம். நடைபயிற்சி சென்றவர்கள் வியர்த்து திரும்புகிறார்கள். நந்தியாவட்டைச் செடியில் பூப்பறிக்கும் அடுத்த வீட்டு பையன். பால் குடிக்க அடம், ஆர்ப்பாட்டம் செய்யும் குழந்தை
அவசரமாக மார்க்கெட் செல்லும் நபரின் பைக் சத்தம். மாடுகளுக்கு புல் அறுத்து சுமையோடு மொபைட்டில் பறக்கும் பெண். இந்த ரம்மியமான காலைப்பொழுதில் வேம்பில் அமர்ந்து கீச்சிடும் சிட்டுக்குருவிகள். மெல்ல தன் ஒளிக்கதிர்கள் வீசும் சூரியன் பயணம்.
இப்படி எல்லாமாக துரித கதியில் இயங்குகிறது அன்றாட வாழ்க்கை.
ந க துறைவன்.
உரைநடை
Wednesday 18 April 2018
இருக்கிறார்
அவர் இங்கு இருந்திருக்கிறார். இல்லை என்றால் எனக்கோ, மற்றவர்க்கோ தெரிந்திருக்கும் அல்லது தெரிந்திருக்காது. ஆனால் அவர் இங்கு எப்போது இருந்தார் என்றும் கவனம் இல்லை.
தெரிந்தவர்கள் சொன்னது தான்.
" அவர் இங்கு இருந்தார் "
ந க துறைவன்.
உரை நடை
இருக்கிறார்
அவர் இங்கு இருந்திருக்கிறார். இல்லை என்றால் எனக்கோ, மற்றவர்க்கோ தெரிந்திருக்கும் அல்லது தெரிந்திருக்காது. ஆனால் அவர் இங்கு எப்போது இருந்தார் என்றும் கவனம் இல்லை.
தெரிந்தவர்கள் சொன்னது தான்.
" அவர் இங்கு இருந்தார் "
ந க துறைவன்.
உரை நடை
தேடல்
தேடல்
×
வெயிலுக்கு
நிழல் தேடுகிறேன்
நிழல்
சூடாக தகிக்கிறது.
×
குளிர் நிழல் கொடுத்தாலும்
சூரிய வெப்பம் உணர்ந்து
சுணங்காமல்
சும்மா இருக்கிறது
மரம்.
ந க துறைவன்.
குறுங்கவிதைகள்
முதல் வெட்கம்
முதல் வெட்கம்
+
வெட்கத்தில்
வெட்கம்
காதல் வெட்கமே
முதல் வெட்கம்.
×
பட்டினத்தார் பாடல்
வரிகளில் தான்
எத்தனை எத்தனை
பெண்மையின்
அழகியல்
வாசிக்க வாசிக்க
பேரின்பம்.
×
அரூபமாய்
நடக்கிறாள் வீதியில்
வெட்கத்தில்
தலைகுனிந்து
கண்ணகி.
×
இப்பொழுது
நடைபெறுவது
65 - வது
திருவிளையாடல்.
×
சிவன்
உடல் அசைத்தான்
சக்தி
உடல் சலித்தாள்
எல்லாம் சக்தி மயம்
பக்தி நயம்.
ந க துறைவன்.
கவிதைகள்
Sunday 15 April 2018
இளம் பிறை
ஆசிபா
இளம் பிறையின்
யோனிக்குள்
எத்தனை எத்தனை
அரக்க லிங்கச்
சதைப்பிண்டங்கள்
குருதியில் குளித்தன.
மூச்சுத்திணறலில்
முரட்டு வலியில்
சின்னஞ்சிறு மலரின்
அவல ஓலி
கேட்கிலையோ
காமக்னி தேவி?
தேவி
நீ காம ரூபிணி
ஆசிபாவை சிதைத்த
காமுகர்களை
அழிக்க எழுந்து
வருவாயா தேவி.
உன் கருவறையில்
வன்காமம் என்ப....?
ந க துறைவன்.
பாலியல் வன்முறை
Saturday 14 April 2018
ஆசிபா
ஆசிபா - Ashifa
ஆ சியாவே
சி தைந்த உருவைப்
பா ர்த்து கதறுகிறது
........கண்ணே உனக்காக?
ந க துறைவன்.
பாலியல் கொடுமை
Friday 13 April 2018
வசந்த விழா
சித்திரை
பொன்னிற இலைகள் உதிர்த்து
புதிய துளிர்கள் பசுமையாய்
இயற்கையின் வசந்த விழா.
ந க துறைவன்.
புது வருடம்
Sunday 8 April 2018
சின்னமாய்..
சிதிலமடைந்த சுவர்
நினைவு சின்னமாய்
மூதாதையர் வாழ்ந்த வீடு.
Dilapidated walls
You monument
Their ancestors lived in the house.
ந க துறைவன்.
மூதாதையர் வீடு
Saturday 7 April 2018
Tuesday 3 April 2018
சிறுவர் பாடல்.
சிறுவர் பாடல்.
முலாம் பழம்.
கோடை காலப் பழம்
வெப்பம் போக்கும் பழம்
சத்து நிறைந்த பழம்
சூடு தணிக்கும் பழம்.
இனிப்பு ருசிக்கும் பழம்
நாக்கில் கரையும் பழம்
உடல் குளிர்ச்சி பழம்
விரும்பி சுவைக்கும் பழம்.
குண்டு குண்டு பழம்
வெண்மை குண்டு பழம்
தின்ன நல்ல பழம்
பழுத்த முலாம் பழம்.
ந க துறைவன்.
முலாம் பழம்
Wednesday 28 March 2018
அனல்
அனல் வெயில்
மரத்தில் ஒரு
அணில் கூட
விளையாடுவதைப்
பார்க்க முடியவில்லை.
மரத்தில் மறைந்தது
என் மனம்.
ந க துறைவன்.
வெயில் காலம்
Tuesday 27 March 2018
Monday 26 March 2018
புங்கை மரம்
குளிர் புங்கை மரநிழல்
படுத்திருந்தது எருமை
இடம் தேடி நாய்கள் போட்டி.
ந க துறைவன்.
கோடை வெம்மை
Friday 23 March 2018
Wednesday 21 March 2018
Tuesday 20 March 2018
பறவை
இசை பாடும் பறவை
உலகெங்கும் பறந்து
மூதாதையர்களை கூர்ந்து.
Singing bird
Fly around the world
Ancestors remembered.
Thuraivan NG
நினைவுகூர்ந்து
Sunday 18 March 2018
ஆல்பம்
மல்லிகைப்பூ வாசம்
உதட்டில் புன்னகை
கையில் செல்பி ஆல்பம்.
Jasmine aroma
The smile on the lips
In the hands of selfie album.
Thuraivan NG
ந க துறைவன்.
கையில் செல்பி
Saturday 17 March 2018
வசந்த காலம்
ஹைக்கூ
பனி அகன்றது மெல்ல
வசந்த காலம் அரும்பியது
அழகியல் வேம்பு பூக்களோடு!
+
Snow went slowly
In the burgeoning spring
Beauty with neem flowers.
Thuraivan NG
பருவ காலம்
வாழ்த்துக்கள்
இன்று 18-03-218.
வசந்த நவராத்திரி ஆரம்பம்
மற்றும்
தெலுங்கு வருடப்பிறப்பு
நல்வாழ்த்துக்கள்.
ந க துறைவன்.
வாழ்த்துக்கள்
Friday 16 March 2018
வேம்பூக்கள்
தரையில் உதிர்ந்த வேம்பூக்கள்
முகர்ந்து விலகியது நாய்
மழைநீரில் மிதந்தன மகிழ்ச்சியாய்.
ந க துறைவன்.
மழை நாளில்
Wednesday 14 March 2018
Monday 12 March 2018
ஈரம்
முத்தத்தின் ஈரம் உதட்டில்
காய்வதற்குள் தேனீர் கொடுத்தாள்
கூடுதலாய் இனிப்பின் சுவை.
ந க துறைவன்.
இனிப்பின் சுவை
Sunday 11 March 2018
பூச்சரம்
உதிர்ந்து கிடந்தது தரையில்
அவளுடைய சோக முகமாய்
வதங்கிய வாசமற்ற பூச்சரம்.
ந க துறைவன்.
வாசமற்ற பூ
Friday 9 March 2018
பார்வை
நிழலுக்கு பார்வையில்லை
சூரியன் கண் பிரகாசிக்கிறது
வாத்துகள் குளிர்ந்த புல்வெளியில்.
ந க துறைவன்.
பார்வையற்ற நிழல்
Wednesday 7 March 2018
Tuesday 6 March 2018
பருவநிலை
குளிர் காலம் விடைபெறுகிறது
வெப்ப நிலை மாற்றம்
இலை உதிர்காலமே வருக...
ந க துறைவன்.
பருவகா மாற்றம்
Sunday 4 March 2018
Thursday 1 March 2018
முல்லா கதை
முல்லா கதை
முல்லா நஸ்ருதீனுக்கு எதிராக நீதிமன்றத்தில் வழக்கு ஒன்று இருந்தது.
எனவே நீதிபதி அவனிடம், "முல்லா உனக்கு வயது என்ன?,
" நாற்பது " என்றான் அவன்.
உடனே நீதிபதி, "ஆனால் இது விநோதமாக உள்ளது. நீ என்னை ஆச்சரியமடையச் செய்கிறாய். ஏனெனில் ஐந்து ஆண்டுகளுக்கு முன்பு நீ இதே நீதிமன்றத்திற்கு வந்தாய். அப்போது அந்த நேரத்திலும் நீ நாற்பது என்று தான் கூறினாய் " என்றார்.
அதற்கு முல்லா, "ஆம், நான் ஒரு கொள்கை மாறாத மனிதன். ஒருமுறை நான் ஏதாவது ஒன்றை கூறிவிட்டால், நீங்கள் என்னை நம்பலாம். நான் வேறு எதையும் கூறமாட்டேன்" என்றான்.
ஓஷோ
ரகசியமாய் ஒரு ரகசியம் - பாகம் - 2, பக்கம் - 163 - 164.
தகவல் : ந க துறைவன்.
முல்லா கதை
Wednesday 28 February 2018
பிரச்சினை
பிரச்சனை
பிரச்சினை என்பது உங்கள் கண்ணோட்டத்தில் தான் இருக்கிறது தவிர, வாழ்க்கையில் எந்த பிரச்சினையும் இல்லை. அப்படி என்று எதுவும் தனிப்பட்டு இந்த உலகத்தில் இயங்கவில்லை.
ஓஷோ
தந்த்ரா அனுபவம் - நூல்
பக்கம் - 71.
தகவல்: ந க துறைவன்.
பிரச்சினை
Sunday 25 February 2018
வாழைக்குலை
கொல்லைப்புறம் எப்போதும் பார்வை
வாழைக்குலை தள்ளியிருக்கிறது
பக்கத்து வீட்டில் சுகப்பிரசவம்.
ந க துறைவன்.
சுகப்பிரசவம்
Saturday 24 February 2018
மரணம்
ஒருவர் மரணத்தை வெளியிலிருந்துதான் பார்க்க முடியும். நீ மற்றவர் மரணத்தை காணலாம். ஆனால் நீ உன் மரணத்தைப் பார்க்க முடியாது. யாரும் தன்னுடைய இறப்பை தானே பார்க்க முடியாது.
ஓஷோ.
ரகசியமாய் ஒரு ரகசியம் - நூல்
பக்கம் - 356.
மரணம்
Friday 23 February 2018
Wednesday 21 February 2018
Tuesday 20 February 2018
தாய்மொழி தினம்
இன்று 21-02-218
உலக தாய் மொழி தினம்.
அனைவருக்கும் நல்வாழ்த்துக்கள்.
ந க துறைவன்.
தாய் மொழி தினம்
Monday 19 February 2018
Sunday 18 February 2018
மரணம்
ஒருவர் மரணத்தை வெளியிலிருந்துதான் பார்க்க முடியும். நீ மற்றவர் மரணத்தை காணலாம். ஆனால் நீ உன் மரணத்தைப் பார்க்க முடியாது. யாரும் தன்னுடைய இறப்பை தானே பார்க்க முடியாது.
ஓஷோ.
ரகசியமாய் ஒரு ரகசியம் - நூல்
பக்கம் - 356.
மரணம் பார்த்தல்
Saturday 17 February 2018
Friday 16 February 2018
Thursday 15 February 2018
Monday 12 February 2018
காதல் என்பது...!!
காதல் என்பது இருவர் மனக்கிளர்ச்சி. நரம்புகளின் தந்தி நாதம். சந்திப்புகளை நேசிக்கும் நாடித்துடிப்பு. கற்பனை வரிகளைக் கடன் வாங்காமல் பேச்சில் சிந்தும் தேன்துளிகள். எதிர்கால வாழ்விற்கு ஓத்திகைப் போடும் நாடக அரங்கேற்றம். வெற்றியினைநோக்கி பயணிக்கும் விண்ணூர்தி. முத்தங்களுக்கு தவிக்கும் உதடுகளின் இனிமை. உடல்சிலிர்ப்பின் மென்அதிர்வு. காமத்தைச் சுவைக்க இரவு நேரத்தில் மலரும் காமத்துப்பூ.
ந க துறைவன்.
காதலர் தினம்
Sunday 11 February 2018
இல்லை என்பது...!!
இல்லை என்பது இருக்கிறது என்பதை மறுப்பதால், மறைப்பதால் வருகிற வார்த்தை ஜாலம். இல்லை என்பது இல்லாமல் போவதில்லை. அங்கே அது இருக்கிறது. ஆனாலும், இல்லை என்பது அங்கே மறைந்திருக்கிறது இருப்பதற்குள்.
ந க துறைவன்.
இல்லை என்பது...
இல்லை என்பது...!!
இல்லை என்பது இருக்கிறது என்பதை மறுப்பதால், மறைப்பதால் வருகிற வார்த்தை ஜாலம். இல்லை என்பது இல்லாமல் போவதில்லை. அங்கே அது இருக்கிறது. ஆனாலும், இல்லை என்பது அங்கே மறைந்திருக்கிறது இருப்பதற்குள்.
ந க துறைவன்.
இல்லை என்பது...
Friday 9 February 2018
Thursday 8 February 2018
பொழுதை கழிப்பது...!!
பொழுது கழிப்பது...!!
இன்றைய நாள் பொழுதை எப்படி கழிப்பது என்பதில் பிரச்சினை இல்லை. அந்த அற்புதமான ஒவ்வொரு கணநேரப் பொழுதினை எவ்விதமாய் கழித்து மகிழ்வது என்பதே முக்கியமான செயலாகும்.
ந க துறைவன்.
பொழுதை கழிப்பது.
Wednesday 31 January 2018
Sunday 28 January 2018
தும்பிகள்
தும்பிகள்
குறைந்த வெப்ப நிலை
பூவின் அழகு
தும்பிகள் பறக்கிறது நெருங்கி.
Low temperature with
the beauty of flowers
Dragonflies flies closer.
Thuraivan NG
பூவின் அழகு
Friday 26 January 2018
Wednesday 24 January 2018
இடைவெளி
இடைவெளி
நிறைவான குடும்ப வாழ்க்கை
நிகழ்ந்த மரணம்
மீண்டும் தலைமுறை இடைவெளி.
ந க துறைவன்.
தலைமுறை இடைவெளி
ஒற்றை பூ...!!
ஒற்றை பூ
உன் தலையை அலங்கரித்து
அழகால் கவரும் பலரை
அந்த ஒற்றை பூ.
Decorate your head
Many attracted by the
Beautiful of the single flower.
Thuraivan NG.
தலையில் பூ.
Monday 22 January 2018
கயாவின் ஆலமரம்.
கயாவின் ஆலமரம்.
கயாவின் ஆலமரம் அப்போதும் அசையாமல் நின்று கொண்டிருந்தது. சித்தார்த்தன் ஓரிரு கணம் ஆலமரத்தைப் பார்த்துக் கொண்டிருந்தான்.
" நூற்றாண்டுகளுக்கு முன்பு ஒரு நாள் எனக்குப் புகலிடம் தந்த அன்னையே!"
அவன் அழுதான், " இன்று நீ எனக்கு வேண்டாம். நான் தேர்ந்தெடுத்த பாதை சரியில்லை. மனிதன் இன்னும் துயரில் உழன்று கொண்டிருக்கிறான்."
பின்னர் சித்தார்த்தன் தோளிலிருந்த கோடாரியை எடுத்து கயாவின் ஆலமரத்தின் அடிப்பகுதியை வெட்டத் தொடங்கினான்.
ஆதாரம்: யாழ்ப்பாணம் புகையிலை - காக்கநாடன் நாவல். தமிழில்: நிர்மால்யா. பக்கம்: 112.
தகவல்: ந க துறைவன்.
புத்தர் நினைவாக...
Thursday 18 January 2018
தடயங்கள்
நூற்றாண்டுகள் கழிந்தது
அழியாமல் இருக்கிறது
புத்தர் கால் தடயங்கள்.
ந க துறைவன்.
புத்தர் கால் தடயங்கள்
Wednesday 17 January 2018
ஊர் பெயர்.
ரயில் தடங்கள் இரைச்சல்
எதிர் திசையில் மரங்கள்
மறைந்தது ஊர் பெயர்.
ந க துறைவன்.
எதிர் திசையில்
ஊர் பெயர்.
ரயில் தடங்கள் இரைச்சல்
எதிர் திசையில் மரங்கள்
மறைந்தது ஊர் பெயர்.
ந க துறைவன்.
எதிர் திசையில்
Tuesday 16 January 2018
Monday 15 January 2018
சுகம்.
சுகமில்லை என்று
சொன்னாள்
எந்த சுகம்?
உடல் சுகமா?
உணர்வு சுகமா?
சொல் சுகமா?
எந்த சுகம்?
ந க துறைவன்.
சுகம் என்பது....
Sunday 14 January 2018
Saturday 13 January 2018
உழவர்கள்
காணி நிலமெல்லாம்
களவாடப்பட்டு விட்டது
இப்பொழுது
விவசாயிகள் கட்டிடக்
கூலிகளாக
உருமாறி விட்டார்கள்
கலப்பை ஏந்திய
கைகளில்
செங்கல் சுமைகள்.
ந க துறைவன்.
உழவர்கள்
Friday 12 January 2018
Thursday 11 January 2018
ஆ ( வ) ன் மீகம்
ஆண்டாள் பாவம்
ஒரு மூச்சு
அழுது தீர்த்து விட்டாள்
இந்த
மார்கழி மாதம்
பேச்செல்லாம் கொச்சை
ஊரெல்லாம் சர்ச்சை
முடிவில்லா போக்கில்
பண்பாட்டு கட்டுடைப்பு
ஆன்மீகம் என்பது
வன்மீகம் என
உருமாறி வருகிறது
கவலை
கடவுளுக்கில்லலை
மனிதர்களுக்கு
மட்டுமேயானது
கடந்து போவதற்கு
மனம்
சிறகு விரிக்க வேண்டும்.
சிறகு ஒடிந்தால் பறவைகள்
என்ன செய்யும்?
ந க துறைவன்.
திசை மாறும் பறவைகள்
சுயம்
சுயமாய் இருக்கிறது சுயம்
இருப்பதே சுயமாய்
சுயமே சும்மாயிருக்கிறது
சுயமென சுயம்.
ந க துறைவன்.
சுயமென...
Wednesday 10 January 2018
பனி உதிர்காலம்.
ஆட்டம் போடும் குருவிகள்
சில்லென்ற பனிஉதிர்க்கும் இலைகள் அசைந்து அசைந்து
மரத்தின் கீழ் பயணிகள் சிலர்...
ந க துறைவன்.
பனி உதிர்காலம்.
Tuesday 9 January 2018
கசடுகள்.
கண்கள் படித்தது விழிப்புடன்
சுவரில் கோளறு பதிகம்
கழியாத கசடுகள் மனதில்...
ந க துறைவன்.
கழியாத கசடுகள்.
Sunday 7 January 2018
சாம்பிராணி...
உள்ளறை எங்கும்
சூழ்ந்திருக்கிறது
அவள் போட்டச்
சாம்பிராணி புகை
வாசம்
நாசியின் நுனியில்
குறுகுறுக்கிறது
மனசு கொஞ்சம்
துறுதுறுக்கிறது
இருள் கவிழ கவிழ...
ந க துறைவன்.
புகை வாசம்
Saturday 6 January 2018
நீர் ஒழுக...
நாய்கள் உற்றுப் பார்க்கிறது ஏக்கமாய்
நீர்ஒழுக நாக்கை நீட்டி
தொங்கும் கறிச் சதைகளை...
ந க துறைவன்.
ஊற்று நோக்கல்
விழிப்பு.
உடல் வெட்கத்தில் சிலிர்க்கிறது
காம விழிப்பின் மௌனம்
தலைநிறைய மல்லிப்பூச்சரம்.
ந க துறைவன்.
விழிப்புணர்வு
Friday 5 January 2018
Tuesday 2 January 2018
வண்ணத்துப்பூச்சிகள் - சில தகவல்கள்.
வண்ணத்துப்பூச்சி- சில தகவல்கள்.
வண்ணத்துப்பூச்சிகளின் நிறம், உடல் அமைப்பு, அளவு, ஆகியவற்றின் அடிப்படையில், வால் வண்ணத்திகள்( Swallowtails), வெண்மஞ்சள் வண்ணத்திகள்( Whites and Yellows), தூரிகை கால் வண்ணத்திகள்( Brush footed Butterflies), நீலன் வண்ணத்திகள்( Blued ), துள்ளி வண்ணத்திகள்( Skippers), என பட்டாம்பூச்சிள் 5 குடும்பங்களாகப் பிரிக்கப்பட்டுள்ளன. அசாம், மணிப்பூர், மேற்கு வங்கம் ஆகிய வடகிழக்கு மாநிலப் பகுதிகளில் அதிக பட்டாம்பூச்சி இனங்கள் காணப்படுகின்றன.
தமிழகத்தில் கடந்த 2000 -ம் ஆண்டுகளில் டாக்டர் கிருஷ்ண மேக்ஹ் 164 வகைகளை ஆவணப்படுத்தி னார். அதன் பின்பு கடந்த சில ஆண்டுகளில் ' ஆக்ட் ஃபார் பட்டர் பிளைஸ் ' குழுவால் 132 வகைகள் ஆவணப்படுத்தப்பட்டுள்ளன.
வனத்துறை தனியாக கணக்கெடுத்தால் இன்னும் 200- க்கும் அதிகமான வகை பட்டாம்பூச்சிகளை ஆவணம் செய்ய முடியும் என்கின்றனர் பட்டாம்பூச்சி பாதுகாவலர்கள்.
கடந்த ஆண்டில் உலகம் முழுவதும்14.6 கோடி பட்டாம்பூச்சிகள் வலசை சென்றதாக ஆய்வுகள் தெரிவிக்கின்றன.
ஆதாரம்: தி இந்து - நாளிதழ் - 03-01-2018.
தகவல்: ந க துறைவன்.
வண்ணத்துப்பூச்சிகள் பற்றிய தகவல்கள்.
மார்கழி பஜனை
மார்கழி பஜனை போகிறது
ஆண்டாள், தோழிகள் இல்லை
ஆண்கள் குழுவாய் குளிரில்...
ந க துறைவன்.
திருப்பாவை பாடி...
Subscribe to:
Posts (Atom)